അമ്പതാം പിറന്നാള്‍ ആഘോഷിക്കുന്ന ക്രിക്കറ്റ് ഇതിഹാസം സച്ചിന് ടെണ്ടുല്‍ക്കറിന് പിറന്നാള്‍ സമ്മാനവുമായി ക്രിക്കറ്റ് ഓസ്ട്രേലിയ. സിഡ്നി ക്രിക്കറ്റ് ഗ്രൗണ്ട് ഇനി അറിയപ്പെടുന്നത് സച്ചിന്റെയും വെസ്റ്റ് ഇന്‍ഡീസ് ഇതിഹാസം ബ്രയാന്‍ ലാറയുടെയും പേരിലായിരിക്കും. ‘ബ്രയാന്‍ ലാറ-സച്ചിന് ടെണ്ടുല്‍ക്കര്‍’ഗേറ്റ് ക്രിക്കറ്റ് ഓസ്ട്രേലിയ അനാച്ഛാദനം ചെയ്തു.
ക്രിക്കറ്റ് താരങ്ങള്‍ കടന്നുപോകുന്ന ഗേറ്റിന് തന്റെ പേര് നല്‍കിയത് വലിയ ബഹുമതിയാണെന്ന് സച്ചിന് പറഞ്ഞു. സച്ചിന്റെ 50-ാമത് ജന്മദിനവും എസ്സിജിയില്‍ 277 റണ്‍സ് നേടിയ ലാറയുടെ ഇന്നിംഗ്സിന് 30 വര്‍ഷവും തികയുന്ന ദിനമാണ് ഏപ്രില്‍ 24.
Read more
മെമ്പേഴ്‌സ് പവലിയന്റെ എവേ ഡ്രസ്സിംഗ് റൂമിനും നോബിള്‍ ബ്രാഡ്മാന്‍ മെസഞ്ചര്‍ സ്റ്റാന്‍ഡിനും ഇടയില്‍ സ്ഥിതി ചെയ്യുന്ന ലാറ-ടെണ്ടുല്‍ക്കര്‍ ഗേറ്റ്‌സ് വഴിയാണ് ക്രിക്കറ്റ് താരങ്ങള്‍ ഇനി മുതല്‍ മൈതാനത്തെത്തുക. ഇന്ത്യയ്ക്ക് പുറത്തുള്ള ക്രിക്കറ്റ് ഗ്രൗണ്ടുകളില്‍ പ്രിയമേറിയതാണ് സിഡ്നി ക്രിക്കറ്റ് ഗ്രൗണ്ട്.
