ഇന്ത്യന്‍ ക്രിക്കറ്റ് ടീമിനെ സംബന്ധിച്ചിടത്തോളം കാര്യങ്ങള്‍ മോശത്തില്‍നിന്ന് വളരെ മോശത്തിലേക്ക് പോകുകയാണ്. മോശം ഫോമില്‍ മുന്‍നിരയടക്കം വലയുമ്പോള്‍ പരിക്കും ടീമിനെ കുത്തിനോവിക്കുകയാണ്. കെഎല്‍ രാഹുലിന് പരിക്കേറ്റെന്ന വാര്‍ത്തകള്‍ക്ക് പിന്നാലെ സൂപ്പര്‍ താരം വിരാട് കോഹ്ലി ദുരൂഹ പരിക്ക് കാരണം സ്‌കാനിംഗ് നടത്തിയതായി റിപ്പോര്‍ട്ട് പുറത്തുവന്നിരിക്കുകയാണ്. പെര്‍ത്തില്‍ ബോര്‍ഡര്‍ ഗവാസ്‌കര്‍ ട്രോഫിയിലെ ആദ്യ ടെസ്റ്റ് തുടങ്ങാന്‍ ഇനി ഒരാഴ്ച മാത്രം ശേഷിക്കെ ഈ വാര്‍ത്തയില്‍ ഇന്ത്യന്‍ ആരാധകര്‍ നിരാശകരാണ്.
വിരാട് കോഹ്ലി പെര്‍ത്തില്‍ നെറ്റ്സില്‍ കഠിനാധ്വാനം ചെയ്യുന്നതിനിടയില്‍, ദുരൂഹമായ പരിക്കില്‍ ചില സ്‌കാനുകള്‍ നടത്താന്‍ അദ്ദേഹത്തിന് ഒരു മെഡിക്കല്‍ സ്ഥാപനം സന്ദര്‍ശിക്കേണ്ടിവന്നുവെന്ന് ഓസ്ട്രേലിയയില്‍ നിന്നുള്ള റിപ്പോര്‍ട്ടുകള്‍ അവകാശപ്പെടുന്നു.
പെര്‍ത്തില്‍ നടന്ന ഇന്‍ട്രാ സ്‌ക്വാഡ് മത്സരത്തിനിടെ സൂപ്പര്‍ ബാറ്റര്‍ കെഎല്‍ രാഹുലിന് പരിക്കേറ്റു. കൈമുട്ടിന് പരിക്കേറ്റ താരം ഗ്രൗണ്ട് വിട്ടു. ബോര്‍ഡര്‍-ഗവാസ്‌കര്‍ ട്രോഫിയിലെ ആദ്യ ടെസ്റ്റില്‍ രോഹിത്തിന് പകരക്കാരനായി യശ്വസി ജയ്‌സ്വാളിനൊപ്പം ഇന്നിംഗ്സ് ഓപ്പണ്‍ ചെയ്യാനുള്ള മുന്‍നിര റണ്ണറാണ് അദ്ദേഹം. വ്യക്തിപരമായ കാരണങ്ങളാല്‍ ക്യാപ്റ്റന്‍ രോഹിത് ശര്‍മ്മ ആദ്യ മത്സരത്തില്‍നിന്ന് വിട്ടുനില്‍ക്കുകയാണ്.
Read more
ടെസ്റ്റ് ക്രിക്കറ്റില്‍ മോശം ഘട്ടത്തിലൂടെ കടന്നുപോകുന്ന രാഹുലിന് ഓസ്‌ട്രേലിയ എയ്‌ക്കെതിരായ ഇന്ത്യ എയുടെ രണ്ടാം അനൗദ്യോഗിക ടെസ്റ്റില്‍ റണ്‍സ് നേടാനായില്ല. ന്യൂസിലന്‍ഡിനെതിരെ ബെംഗളൂരുവില്‍ നടന്ന ആദ്യ ടെസ്റ്റില്‍ കളിച്ചെങ്കിലും മോശം പ്രകടനം കാരണം ബാക്കിയുള്ള മത്സരങ്ങളില്‍ രാഹുലിന് ബെഞ്ചില്‍ സ്ഥാനം ലഭിച്ചു.
