ടി20 ലോകകപ്പ് പടിവാതുക്കല് എത്തിനില്ക്കവെ ഇന്ത്യന് സൂപ്പര് താരം വിരാട് കോഹ്ലിയെ പരിഹസിച്ച് മുന് താരം സുനില് ഗവാസ്കര്. ഓസ്ട്രേലിയയില് തനിക്കുള്ളതും കോഹ്ലിക്ക് ഇല്ലാത്തതുമായ റെക്കോഡ് ചൂണ്ടിക്കാട്ടിയാണ് ഗവാസ്കറുടെ പരിഹാസം.
വ്യക്തിപരമായ നേട്ടങ്ങള് നോക്കുമ്പോള് ഓസ്ട്രേലിയയിലെ എല്ലാ വേദിയിലും സെഞ്ച്വറി നേടുന്ന താരമാകാനുള്ള അവസരം വിരാട് കോഹ്ലിക്ക് മുന്നിലുണ്ട്. നിലവില് അവന് ഗാബയില് സെഞ്ച്വറിയില്ല. അവന് ഗാബയില് സെഞ്ച്വറി നേടിയാല് മാത്രമെ എനിക്കും അലെസ്റ്റര് കുക്കിനും ഒപ്പമെത്താനാവു- ഗവാസ്ക്കര് പറഞ്ഞു.
കോഹ്ലിക്ക് ഓസ്ട്രേലിയയില് മികച്ച റെക്കോഡാണുള്ളത്. ഇവിടെ ഗവാസ്ക്കറിനെക്കാള് കൂടുതല് ടെസ്റ്റ് സെഞ്ച്വറി കോഹ്ലിക്കുണ്ട്. ഒരു സെഞ്ച്വറി കൂടി നേടിയാല് ഓസ്ട്രേലിയയില് കൂടുതല് ടെസ്റ്റ് സെഞ്ച്വറിയുള്ള ഇന്ത്യക്കാരനെന്ന റെക്കോഡില് സച്ചിന് ടെണ്ടുല്ക്കറെ മറികടക്കാന് കോഹ്ലിക്ക് സാധിക്കും.
ആറ് സെഞ്ച്വറികളാണ് ഓസ്ട്രേലിയയില് ടെസ്റ്റില് കോഹ്ലി നേടിയത്. മൂന്ന് സെഞ്ച്വറി അഡ്ലെയ്ഡിലും രണ്ട് സെഞ്ച്വറി പെര്ത്തിലും ഓരോ സെഞ്ച്വറി വീതം സിഡ്നിയിലും മെല്ബണിലുമാണ് കോഹ്ലി നേടിയത്.