മുമ്പോട്ടുള്ള യാത്രയിൽ ഡൽഹി ഏറ്റവും കൂടുതൽ മിസ് ചെയ്യാൻ പോകുന്നത് പ്രിത്വി ഷായുടെ സേവനം തന്നെ ആയിരിക്കും. പവർ പ്ലേ ഓവറുകളിൽ ഇരുതാരങ്ങളും നൽകുന്ന തുടക്കം ഡൽഹിയെ ഒരുപാട് സഹായിച്ചിട്ടുണ്ട്. അങ്ങനെയുള്ള യുവതാരം ഇല്ലാത്തത് വലിയ തിരിച്ചടിയാകുമെന്നുറപ്പാണ്. പനി കാരണം താരം കുറച്ച് മത്സരങ്ങളായി കളിക്കുന്നില്ല. താരത്തിന്റെ ആരോഗ്യവുമായി ബന്ധപ്പെട്ട് ഒരു അഭിപ്രായം പറയുകയാണ് ഷെയിൻ വാട്സൺ.
“സ്ഥിതി അത്ര മികച്ചതല്ല. അദ്ദേഹത്തിന്റെ കൃത്യമായ രോഗനിർണയം എനിക്കറിയില്ല, പക്ഷേ കഴിഞ്ഞ രണ്ടാഴ്ചയായി അദ്ദേഹത്തിന് ഇത്തരത്തിലുള്ള പനി ഉണ്ടായിരുന്നു. അത് എന്താണെന്ന് കൃത്യമായി കണ്ടെത്താൻ അവർക്ക് (മെഡിക്കൽ സ്റ്റാഫ്) ശരിക്കും അസാമ്യം എടുക്കേണ്ടതായി വന്നു .അവനെ പോലെ ഒരു താരം ഇല്ലാത്തത് ഞങ്ങൾക്ക് വലിയ നഷ്ടം തന്നെയാണ്. അവന് കുറച്ച് മത്സരങ്ങൾ എന്തായാലും നഷ്ടപ്പെടും.”
14–ാം വയസിൽ മുംബൈയിലെ റിസ്‍വി സ്കൂളിനു വേണ്ടി റെക്കോർഡ് പ്രകടനം നടത്തിയാണ് ഷാ ദേശീയ ശ്രദ്ധയിലെത്തുന്നത്. 2013ൽ നടന്ന പ്രാദേശിക ടൂർണമെന്റിൽ 330 പന്തുകളിൽ നിന്ന് 546 റൺസാണ് ഷാ അടിച്ചുകൂട്ടിയത്. 85 ഫോറുകളും അഞ്ചു സിക്സറുകളും അടങ്ങുന്നതായിരുന്നു ആ ഇന്നിങ്സ്. സ്കൂൾ ക്രിക്കറ്റിലെ ഏറ്റവും ഉയർന്ന സ്കോറായിരുന്നു അന്നത്.2016ൽ പൃഥ്വി ഷായുൾപ്പെട്ട അണ്ടർ 19 ടീം ശ്രീലങ്കയിൽ നടന്ന യൂത്ത് ഏഷ്യാ കപ്പ് കിരീടവും സ്വന്തമാക്കി.ഭാവി നായകൻ എന്ന നിലയിലാണ് താരം അറിയപ്പെടുന്നത്.
Read more
ഒമ്പത് മത്സരങ്ങളിൽ നിന്നും 259 റൺസാണ് താരം ഇതുവരെ നേടിയത്. താരം ഉടനെ മടങ്ങിയെത്തും എന്നാണ് ഡൽഹി പ്രതീക്ഷകൾ.
