ഇന്ത്യന്‍ പ്രീമിയര്‍ ലീഗില്‍ (ഐപിഎല്‍) നിന്ന് എംഎസ് ധോണി വിരമിക്കുമെന്ന അഭ്യൂഹങ്ങളില്‍ പ്രതികരിച്ച് ഇന്ത്യന്‍ വിക്കറ്റ് കീപ്പര്‍ പാര്‍ഥിവ് പട്ടേല്‍. വിരമിക്കല്‍ സംബന്ധിച്ച് വ്യക്തത നല്‍കാന്‍ എംഎസ് ധോണിക്ക് മാത്രമേ കഴിയൂ എന്ന് പാര്‍ഥിവ് പട്ടേല്‍ പറഞ്ഞു.
10 മാസത്തിലൊരിക്കല്‍ ധോണി കളിക്കാന്‍ വരുമ്പോള്‍, ഈ രണ്ട് മാസം ക്രിക്കറ്റിലെ അദ്ദേഹത്തിന്റെ വിരമിക്കലിനെ കുറിച്ചാണ് നമ്മള്‍ സംസാരിക്കുന്നത്. ഇത് അദ്ദേഹത്തിന് മാത്രം ഉത്തരം നല്‍കാന്‍ കഴിയുന്ന ചോദ്യമാണ്- പാര്‍ഥിവ് ജിയോസിനിമയോട് പറഞ്ഞു.
17ാം ഐപിഎല്‍ സീസണ്‍ അടുത്തതോടെ ധോണിയുടെ ഭാവിയെക്കുറിച്ചുള്ള ചര്‍ച്ചകള്‍ വീണ്ടും സജീവമാണ്. 2023 ലെ അവസാന ഐപിഎല്‍ സീസണ്‍ അവാസനിക്കുന്നതിന് മുമ്പുതന്നെ ഇത് സംബന്ധിച്ച ഊഹാപോഹങ്ങള്‍ ഉയര്‍ന്നിരുന്നു.
Read more
കാല്‍മുട്ടിലെ ശസ്ത്രക്രിയയ്ക്ക് ശേഷം പൂര്‍ണ്ണ ഫിറ്റ്‌നസ് വീണ്ടെടുക്കാനുള്ള ശ്രമത്തിലാണ് ധോണി. വലംകൈയന്‍ ബാറ്റര്‍ 250 ഐപിഎല്‍ മത്സരങ്ങളില്‍ നിന്ന് 38.79 ശരാശരിയിലും 135.92 സ്‌ട്രൈക്ക് റേറ്റിലും 5082 റണ്‍സ് നേടിയിട്ടുണ്ട്. 42 കാരനായ താരം 24 അര്‍ദ്ധ സെഞ്ച്വറികള്‍ നേടിയിട്ടുണ്ട്.
