ഓസ്‌ട്രേലിയൻ ടീമിലെ ഏറ്റവും പ്രധാന താരമാണ് ട്രാവിസ് ഹെഡ്. കഴിഞ്ഞ ഏകദിന ലോകകപ്പിൽ ഇന്ത്യയുടെ കിരീട പ്രതീക്ഷകളെ തല്ലികെടുത്തിയ താരമാണ് അദ്ദേഹം. നിലവിലെ ഐസിസി ടി-20 ഫോർമാറ്റുകളിൽ ഹെഡ് ആണ് റാങ്കിങ്ങിൽ ഒന്നാമത്. ഈ വർഷം നടക്കാൻ പോകുന്ന ബോർഡർ ഗവാസ്കർ ട്രോഫിയിൽ ഇന്ത്യ ഏറ്റവും കൂടുതൽ ഭയക്കുന്ന താരവും ഹെഡ് ആണ്.
ലോക ടെസ്റ്റ് ചാമ്പ്യൻഷിപ്പിന്റെ നിർണായക മത്സരമാണ് ഇന്ത്യയും ഓസ്‌ട്രേലിയയും തമ്മിൽ ഉള്ളത്. ചാമ്പ്യൻഷിപ്പ് പട്ടികയിലെ പോയിന്റ് ടേബിളിൽ ഇന്ത്യ ആണ് ഒന്നാമത്. നിലവിലെ ലോക ടെസ്റ്റ് ചാമ്പ്യന്മാരാണ് ഓസ്‌ട്രേലിയ. ഇന്ത്യയുമായുള്ള മത്സരത്തെ കുറിച്ച് ട്രാവിസ് ഹെഡ് സംസരിച്ചു.
ട്രാവിസ് ഹെഡിന്റെ വാക്കുകൾ ഇങ്ങനെ:
“ഇന്ത്യൻ ടീം എനിക്ക് ഫേവറൈറ്റ് അല്ല. ഞാൻ എല്ലാ മത്സരങ്ങളിലും ഉള്ള പോലെ ഒരു സാധാ ടീം ആയിട്ട് മാത്രമാണ് അവരെ കാണുന്നത്. ഇന്ത്യയ്ക്ക് എതിരെ ഞാൻ നിരവധി മത്സരങ്ങൾ കളിച്ചിട്ടുണ്ട്. ഞാൻ കുറെ നാൾ ആയിട്ട് മികച്ച ഫോമിലാണ് കളിക്കുന്നതും. അത് കൊണ്ട് എനിക്ക് പേടി ഇല്ല. ഇന്ത്യൻ ബോളിങ് നിരയെ തല്ലിത്തകർക്കുന്നത് എനിക്ക് ഇപ്പോൾ ഒരു വിനോദം പോലെയാണ്. അവർ മികച്ച ടീം തന്നെയാണ്. അവർക്കെതിരെ കളിക്കുന്നത് ഒരു പ്രേത്യേക സുഖമാണ്” ട്രാവിസ് ഹെഡ് പറഞ്ഞു.
Read more
അടുത്ത വർഷം നടക്കാൻ പോകുന്ന ലോക ടെസ്റ്റ് ചാമ്പ്യൻഷിപ്പ് ട്രോഫി നിലനിർത്താനാണ് ഓസ്‌ട്രേലിയ ശ്രമിക്കുന്നത്. എന്നാൽ ഇന്ത്യ തങ്ങളുടെ ആദ്യ ടെസ്റ്റ് ലോകകപ്പ് നേടാൻ വേണ്ടിയുള്ള തയ്യാറെടുപ്പുകൾ കഴിഞ്ഞ വർഷം മുതലേ ആരംഭിച്ചിരുന്നു. ഈ മാസം 19 ന് നടക്കാൻ പോകുന്ന ബംഗ്ലാദേശ് പര്യടനത്തിന് വേണ്ടിയുള്ള തയ്യാറെടുപ്പിലാണ് ഇന്ത്യ ഇപ്പോൾ.
