ബംഗ്ലാദേശിനെതിരായ അവസാന രണ്ട് ടി 20 മത്സരങ്ങളിലും പരാജയപ്പെട്ട സഞ്ജു സാംസണ് വമ്പൻ വിമർശനമാണ് കിട്ടുന്നത്. എന്നാൽ ഇന്ത്യയുടെ അസിസ്റ്റൻ്റ് കോച്ച് റയാൻ ടെൻ ഡോഷേറ്റ് ടീമിന് സഞ്ജു നൽകിയ തുടക്കത്തെ അഭിനന്ദിക്കുകയും അതിന് അദ്ദേഹത്തെ പ്രശംസിക്കുകയും ചെയ്യും.
ഏഴ് പന്തിൽ രണ്ട് ബൗണ്ടറികളോടെ 10 റൺസെടുത്ത സാംസണ് രണ്ടാം മത്സരത്തിലാണ് തീർത്തും നിരാശപെടുത്തിയത്. ആദ്യ ടി20യിലും സാംസൺ നന്നായി തുടങ്ങിയെങ്കിലും തൻ്റെ ശക്തമായ തുടക്കം മുതലാക്കുന്നതിൽ പരാജയപ്പെട്ടു, 29 റൺസിന് താരം പുറത്തായി.
അവസരം കിട്ടിയിട്ടും ഉപയോഗിക്കാത്ത രീതിക്കാണ് സഞ്ജുവിനെ എല്ലാവരും ട്രോളുന്നത്..
എന്നാൽ ഇന്ത്യ കളിക്കാൻ ലക്ഷ്യമിടുന്ന ക്രിക്കറ്റിൻ്റെ ‘ഓൾ-ഔട്ട്’ സ്വഭാവത്തെ സാംസണിൻ്റെ കളി എങ്ങനെ സ്വാധീനിക്കുന്നു എന്ന് എടുത്തുകാണിച്ചുകൊണ്ട്, ബംഗ്ലാദേശിനെതിരായ ഇന്ത്യയുടെ അവസാന ടി20 ഐക്ക് മുന്നോടിയായി റയാൻ ടെൻ ഡോഷെറ്റ് പറഞ്ഞത് ഇങ്ങനെ.
“100%, ഞങ്ങൾ കളിക്കാൻ ഇഷ്ടപ്പെടുന്നത് ആക്രമണ രീതിയിലാണ്. നിങ്ങൾക്കറിയാമോ, കാൺപൂരിലെ ടെസ്റ്റ് മത്സരം ഒരു മികച്ച ഉദാഹരണമാണ്. ഒരു ടീമെന്ന നിലയിൽ ഞങ്ങൾക്ക് ചെയ്യാൻ കഴിയുന്നതിൻ്റെ പരിധികൾ മറികടക്കാൻ ഞങ്ങൾ ശ്രമിക്കുന്നു, ”ടെൻ ഡോഷേറ്റ് തൻ്റെ പ്രീ-മാച്ച് പ്രസറിൽ പറഞ്ഞു.
“ആദ്യ രണ്ട് ഗെയിമുകളിലേക്ക് നിങ്ങൾ തിരിഞ്ഞുനോക്കിയാൽ പോലും, സഞ്ജുവിനെപ്പോലെ ഒരാൾ, ഗ്വാളിയോറിലെ ആദ്യ ഗെയിമിൽ നൽകിയ തുടക്കം നിങ്ങൾ ശ്രദ്ധിക്കണം. അദ്ദേഹത്തിന് അർദ്ധ സെഞ്ച്വറി നേടുക എളുപ്പമായിരുന്നു. എന്നാൽ അവൻ ബൗണ്ടറികൾ കടത്താനാണ് ശ്രമിച്ചത്. ഗെയിമിൻ്റെ അവസ്ഥ അവനറിയാം. സ്ഥിരത പുലർത്താൻ മാത്രം ശ്രദ്ധിച്ചാൽ മതി ”
ഇത് കൂടാതെ കാലത്തിനനുസരിച്ച് ക്രിക്കറ്റിനെ മുന്നോട്ട് കൊണ്ടുപോകാൻ തങ്ങൾ ആഗ്രഹിക്കുന്നു എന്ന് പറഞ്ഞ പരിശീലകൻ അടുത്ത 18 മാസത്തിനുള്ളിൽ വരാനിരിക്കുന്ന വലിയ മത്സരങ്ങൾക്ക് ഉള്ള ഒരുക്കം ആരംഭിച്ചു എന്നും പറഞ്ഞു. എന്തായാലും സഞ്ജു സാംസണ് ഇന്ന് നടക്കുന്ന മൂന്നാം ടി 20 യിലും ഓപ്പണർ ആയി അവസരം കിട്ടും എന്ന് ഉറപ്പാണ്.
