പെര്‍ത്ത് ടെസ്റ്റിനുള്ള ഇന്ത്യയുടെ പ്ലെയിംഗ് ഇലവനെ തിരഞ്ഞെടുത്ത് മുന്‍ പരിശീലകന്‍ രവി ശാസ്ത്രി. ആദ്യ മത്സരത്തില്‍ കളിക്കാന്‍ ക്യാപ്റ്റന്‍ രോഹിത് ശര്‍മ്മ ലഭ്യമല്ലെങ്കിലുള്ള ടീമിനെയാണ് ശാസ്ത്രി തിരഞ്ഞെടുത്തത്.
കെഎല്‍ രാഹുലിനെയും അഭിമന്യൂ ഈശ്വരനെയും തഴഞ്ഞ് ശാസ്ത്രി ശുഭ്മാന്‍ ഗില്ലിന് ഓപ്പണറായി സ്ഥാനക്കയറ്റം നല്‍കി. അതേസമയം മൂന്നാം നമ്പറില്‍ ബാറ്റ് ചെയ്യാനുള്ള ഉത്തരവാദിത്തം കെ എല്‍ രാഹുലിന് നല്‍കി.
എന്നാല്‍ ന്യൂസിലാന്‍ഡിനെതിരെ മികച്ച ഇന്നിംഗ്‌സുകളിച്ച സര്‍ഫറാസ് ഖാനെ ശാസ്ത്രി തന്റെ ടീമില്‍നിന്നും തഴഞ്ഞു. അശ്വിനും ടീമിലിടമില്ല. നിതീഷ് റെഡ്ഡി ടീമിലുണ്ട് എന്നതാണ് ശ്രദ്ധേയം.
പെര്‍ത്ത് ടെസ്റ്റില്‍ ശാസ്ത്രി പ്രവചിച്ച പ്ലെയിംഗ് ഇലവന്‍ –
ശുഭ്മാന്‍ ഗില്‍, യശസ്വി ജയ്സ്വാള്‍, കെ എല്‍ രാഹുല്‍, വിരാട് കോഹ്‌ലി, ഋഷഭ് പന്ത് , ധ്രുവ് ജുറെല്‍, രവീന്ദ്ര ജഡേജ/വാഷിംഗ്ടണ്‍ സുന്ദര്‍, നിതീഷ് റെഡ്ഡി, ജസ്പ്രീത് ബുംറ, ആകാശ് ദീപ്, മുഹമ്മദ് സിറാജ്.
