ഇന്ത്യൻ പ്രീമിയർ ലീഗിൽ ചെന്നൈ സൂപ്പർ കിംഗ്‌സിനെതിരായ മത്സരത്തിൽ രാജസ്ഥാൻ റോയൽസിന്റെ ക്യാപ്റ്റനെന്ന നിലയിൽ റിയാൻ പരാഗ് തകർപ്പൻ പ്രകടനമാണ് കാഴ്ചവെച്ചത്. സൺറൈസേഴ്‌സ് ഹൈദരാബാദിനോടും കൊൽക്കത്ത നൈറ്റ് റൈഡേഴ്‌സിനോടും തുടർച്ചയായ തോൽവികൾ നേരിട്ടതിന് ശേഷം, 2025 ഐപിഎല്ലിൽ ആർആർ വിജയവഴിയിലേക്ക് തിരിച്ചുവന്നു. ഇന്നലെ നടന്ന പോരിൽ രാജസ്ഥാൻ ചെന്നൈ സൂപ്പർ കിംഗ്‌സിനെ 6 റൺസിന് പരാജയപ്പെടുത്തി പോയിന്റ് അക്കൗണ്ട് തുറന്നു.
ചെന്നൈയെ നിശ്ചിത 20 ഓവറിൽ 176 റൺസിൽ ഒതുക്കി ആതിഥേയർ 182 റൺസ് പ്രതിരോധിച്ചു. സഞ്ജു സാംസണിന്റെ അഭാവത്തിൽ ടീമിനെ നയിച്ച പരാഗ് ഒരു നേതാവെന്ന നിലയിൽ തന്റെ മികവ് കൃത്യമായി പുറത്തെടുക്കുകയും ബൗളർമാരെ നന്നായി ഉപയോഗിച്ച് ചെന്നൈയെ പിന്നോട്ടടിക്കുകയും ചെയ്തു. 36 പന്തിൽ 10 ഫോറുകളും 5 സിക്സറുകളും സഹിതം 81 റൺസ് നേടിയ നിതീഷ് റാണയെ കളിയിലെ താരമായി തിരഞ്ഞെടുത്തു.
പരാഗിന്റെ നായകത്വത്തിൽ മുൻ ചെന്നൈ താരം സുരേഷ് റെയ്ന ഇങ്ങനെ പറഞ്ഞു. “ക്യാപ്റ്റൻസിക്ക് റിയാൻ പരാഗിന് കളിയിലെ താരത്തിനുള്ള അവാർഡ് ലഭിക്കണം ആയിരുന്നു . അദ്ദേഹം കളിക്കളത്തിൽ മികച്ച പ്രകടനമാണ് കാഴ്ചവെച്ചത്,” അദ്ദേഹം പറഞ്ഞു.
ഹർഭജൻ സിംഗും സംഭാഷണത്തിൽ പങ്കുചേർന്നു, റിയാനും മികച്ച പ്രകടനം കാഴ്ചവച്ചു എന്ന് കൂട്ടിച്ചേർത്തു. “പരാഗ് നന്നായി ബാറ്റ് ചെയ്തു, ശിവം ദുബെയുടെ മികച്ച ഒരു ക്യാച്ച് എടുത്തു,” അദ്ദേഹം പറഞ്ഞു. നന്നായി തകർത്തടിച്ചു മുന്നേറിയിരുന്ന ശിവം ദുബൈയുടെ വിക്കറ്റ് ആണ് കളിയിലെ നിർണായകമായത്.
Read more
ഇംഗ്ലണ്ടിനെതിരായ പരമ്പരയ്ക്ക് ശേഷം വിരൽ ശസ്ത്രക്രിയയ്ക്ക് ശേഷം സാംസണെ വിക്കറ്റ് കീപ്പർ ആകാൻ എൻ‌സി‌എ അനുവദിച്ചില്ല. ആദ്യ മൂന്ന് മത്സരങ്ങളിൽ കീപ്പർ നിൽക്കാതെ ഇമ്പാക്ട് താരമായിട്ടാണ് സഞ്ജു കളിച്ചത്.
