ടി20 ലോകകപ്പ് സൂപ്പർ 8ൽ സ്ഥാനം ഉറപ്പിക്കാൻ, ബുധനാഴ്ച നടക്കുന്ന ഗ്രൂപ്പ് എയിലെ അവസാന മത്സരത്തിൽ ഇന്ത്യ ക്രിക്കറ്റ് ടീം ആതിഥേയരായ യുഎസ്എയെ നേരിടും. രോഹിത് ശർമ്മയും രാഹുൽ ദ്രാവിഡും വിന്നിംഗ് കോമ്പിനേഷനെ തകർക്കാൻ ഇഷ്ടപ്പെടുന്നില്ലെങ്കിലും, സഞ്ജു സാംസണെ ഇന്ത്യ പ്ലെയിംഗ് ഇലവനിൽ ഉൾപ്പെടുത്തണം എന്ന ആവശ്യം ശക്തമാണ്. ശിവം ദുബെ ഫോമിലല്ലാത്തതിനാൽ, സൂപ്പർ 8 ഘട്ടത്തിന് മുമ്പ് ഇന്ത്യയും യുഎസ്എയും തമ്മിലുള്ള മത്സരത്തിൽ രോഹിത്-ദ്രാവിഡ് സാംസണിന് ഒരു അവസരം നൽകും.
ഇതുവരെ, ന്യൂയോർക്ക് പിച്ച് ബാറ്റർമാർക്ക് അനുയോജ്യമല്ല എന്ന് തെളിഞ്ഞിട്ടുണ്ട്. എന്നാൽ പാക്കിസ്ഥാനെതിരെ ഇന്ത്യ 89/3 എന്ന നിലയിൽ നിന്ന് 119 എന്ന നിലയിൽ ഓൾഔട്ടായി എന്നത് ടീമിന് ഒരു മുന്നറിയിപ്പ് അടയാളമായി മാറണം. 30 റൺസിന് അവസാന 7 വിക്കറ്റുകൾ ഇന്ത്യക്ക് നഷ്ടമായി. റിഷഭ് പന്തും അക്സർ പട്ടേലും മാത്രമാണ് ബാറ്റിംഗിൽ തിളങ്ങിയത്. ഇന്ത്യയും യുഎസ്എയും തമ്മിലുള്ള മത്സരത്തിൽ അത് മാറേണ്ടതുണ്ട്.
മികച്ച പ്രകടനം നടത്തിയ ഋഷഭ് പന്തിനെ ഇന്ത്യ എന്തായാലും ഒഴിവാക്കില്ല. എന്നാൽ ശിവം ദുബൈയുടെ അതിദയനീയ പ്രകടനത്തിന് ശേഷം സഞ്ജു ടീമിൽ എത്തണം എന്ന ആവശ്യം ശക്തമാണ്. സഞ്ജുവിന് ഇനി എങ്കിലും അവസരം കൊടുത്തില്ലെങ്കിൽ പിന്നെ അടുത്ത ഘട്ടത്തിൽ അവസരം കിട്ടില്ല എന്ന് ഉറപ്പാണ്.
ന്യൂയോർക്കിൽ നടന്ന ഐസിസി ടി20 ലോകകപ്പ് 2024 ഗ്രൂപ്പ് എ മത്സരത്തിൽ മോശം ബാറ്റിംഗിലൂടെ ഇന്ത്യ പാകിസ്ഥാന് ഗുണം ചെയ്തുവെന്നും എന്നാൽ അത് മുതലെടുക്കുന്നതിൽ മെൻ ഇൻ ഗ്രീൻ പരാജയപ്പെട്ടെന്നും റമീസ് രാജ. ആദ്യ 10 ഓവറിൽ 80/3 എന്ന നിലയിലായിരുന്നു ഇന്ത്യ. പക്ഷേ 30 റൺസിന് അവസാന ഏഴ് വിക്കറ്റ് നഷ്ടമായ ഇന്ത്യക്ക് 19 ഓവറിൽ 119 റൺസെടുക്കാനെ കഴിഞ്ഞുള്ളൂ. എന്നിരുന്നാലും, ജസ്പ്രീത് ബുംറയും ഹാർദിക് പാണ്ഡ്യയും മികച്ച ബോളിംഗിലൂടെ പാകിസ്ഥാനെ 113/7 എന്ന നിലയിൽ ഒതുക്കി. ഇന്ത്യൻ ടീമിൽനിന്നുള്ള പ്രകടനം അനുകൂലമായിട്ടും പാകിസ്ഥാൻ സമ്മർദ്ദത്തിൽ മരവിച്ചുവെന്ന് റമീസ് രാജ പറഞ്ഞു.
Read more
മോശം പ്രകടനം നടത്തി ഇന്ത്യ പാകിസ്ഥാന് കാര്യങ്ങൾ അനുകൂലമാക്കി. അവർക്ക് എളുപ്പത്തിൽ 140-150 സ്‌കോർ ചെയ്യാമായിരുന്നു, അത് പാകിസ്ഥാന്റെ കളി അവസാനിക്കുമായിരുന്നു. എന്നാൽ അവരുടെ മോശം ഷോട്ട് സെലക്ഷൻ കാരണം പാകിസ്ഥാൻ കളിയിലേക്ക് മടങ്ങിയെത്തി.
