ചൊവ്വാഴ്ച, ശ്രീലങ്കയ്‌ക്കെതിരായ ആദ്യ ടി20യിൽ, ഇന്ത്യൻ സ്പീഡ്സ്റ്റർ ഉമ്രാൻ മാലിക് 155 കിലോമീറ്റർ വേഗതയിൽ ഇടിമിന്നലിൽ ശ്രീലങ്കൻ നായകൻ ദസുൻ ഷനകയെ പുറത്താക്കിയ പന്തിനെക്കുറിച്ച് പ്രശംസ കിട്ടിയിരുന്നു. നേരത്തെ ജസ്പ്രീത് ബുംറയുടെ പേരിലുള്ള ഇന്ത്യൻ ബൗളറുടെ ഏറ്റവും വേഗമേറിയ പന്തിന്റെ റെക്കോർഡാണ് വലംകൈയ്യൻ പേസർ തകർത്തത്.
ഓസ്‌ട്രേലിയയ്‌ക്കെതിരായ ബോർഡർ ഗവാസ്‌കർ പരമ്പരയിൽ അഡ്‌ലെയ്ഡ് ഓവലിൽ 153.2 കിലോമീറ്റർ വേഗതയിലാണ് ബുംറ പന്തെറിഞ്ഞത്. ശ്രീലങ്കക് എതിരെ ഉമ്രാൻ രണ്ട് വിക്കറ്റ് വീഴ്ത്തി, 4 ഓവറിൽ 2/27 എന്ന മികച്ച പ്രകടനം നടത്തി കളി അവസാനിപ്പിച്ചു. 2003 ലോകകപ്പിൽ ഇംഗ്ലണ്ടിനെതിരെ ഷൊയ്ബ് അക്തറിന്റെ 161 കിലോമീറ്റർ വേഗത്തിലുള്ള ഡെലിവറിയുടെ റെക്കോർഡ് തകർക്കാൻ ആർക്ക് എങ്കിലും പറ്റിയാൽ അത് ഉമ്രാൻ മാലിക്കിന് ആയിരിക്കുമെന്നാണ് പറയുന്നത്.
രാജ്യത്തിന് വേണ്ടി മികച്ച പ്രകടനം നടത്തുക മാത്രമാണ് തന്റെ ശ്രദ്ധയെന്ന് ചോദ്യത്തിന് മറുപടിയായി ഉമ്രാൻ പറഞ്ഞു. “ഇപ്പോൾ, രാജ്യത്തിന് വേണ്ടി മികച്ച പ്രകടനം നടത്തുന്നതിനെക്കുറിച്ച് മാത്രമാണ് ഞാൻ ചിന്തിക്കുന്നത്. ഞാൻ നന്നായി ചെയ്യുകയാണെങ്കിൽ, ഞാൻ ഭാഗ്യവാനാണെങ്കിൽ, ഞാൻ അത് തകർക്കും(അക്തറിന്റെ റെക്കോർഡ്) എന്നാൽ ഞാൻ അതിനെക്കുറിച്ച് ചിന്തിക്കുന്നില്ല, ”ആദ്യ ടി20 ഐക്ക് മുന്നോടിയായി ന്യൂസ് 24 ന് നൽകിയ അഭിമുഖത്തിൽ ഉമ്രാൻ പറഞ്ഞു.
Read more
ഇപ്പോൾ ഉമ്രാന്റെ അഭിപ്രായത്തോട് പ്രതികരിച്ചുകൊണ്ട് റാവൽപിണ്ടി എക്‌സ്പ്രസ് ഒരു പരാമർശം നടത്തി, ഉമ്രാൻ തന്റെ റെക്കോർഡ് തകർത്താൽ താൻ സന്തോഷവാനാണെന്നും എന്നാൽ ജമ്മു കശ്മീർ പേസർ അതിനായി ശ്രമിച്ച് അസ്ഥികൾ തകർക്കരുതെന്നും പ്രതീക്ഷിക്കുന്നു.
