ഇപ്പോൾ നടക്കുന്ന യുവേഫ ചാമ്പ്യൻസ് ലീഗിൽ മികച്ച പ്രകടനമാണ് റയൽ മാഡ്രിഡ് കാഴ്ച വെക്കുന്നത്. ഇന്നത്തെ മത്സരത്തിൽ അവരുടെ എതിരാളികൾ ഫ്രഞ്ച് ക്ലബായ ലില്ലിയാണ്. അവരുടെ മൈതാനത്ത് വെച്ച് തന്നെയാണ് മത്സരം നടക്കുന്നത്. മത്സരത്തിനുള്ള സ്‌ക്വാഡ് പ്രഖ്യാപിച്ചപ്പോൾ അതിൽ ഇടം നേടാൻ ഫ്രഞ്ച് താരമായ കിലിയൻ എംബപ്പേക്ക് കഴിഞ്ഞിരുന്നു എന്നാൽ അദ്ദേഹം കളിക്കാൻ സാധ്യത കുറവായിരിക്കും. പരിക്കിൽ നിന്നും പൂർണമുക്തി അദ്ദേഹം നേടിയിട്ടില്ല.
ഫ്രഞ്ച് ക്ലബായ ലില്ലിക്ക് വേണ്ടി എംബാപ്പയുടെ സഹോദരനായ ഏദൻ എംബപ്പേ കളിക്കുന്നുണ്ട്. എന്നാൽ താരത്തിനും പരിക്ക് ഏറ്റതിനാൽ ഇന്നത്തെ മത്സരം നഷ്ടമാകും. എംബപ്പേക്കെതിരെ കളിക്കാൻ കഴിയാത്തതിന്റെ സങ്കടം അദ്ദേഹത്തിന്റെ സഹോദരൻ തുറന്നു പറഞ്ഞിട്ടുണ്ട്.
ഏദൻ എംബാപ്പയുടെ വാക്കുകൾ ഇങ്ങനെ:
” കഴിഞ്ഞ മത്സരത്തിനിടെ എനിക്ക് പരിക്കേറ്റിരിക്കുന്നു. കുറച്ച് ആഴ്ചകൾ ഞാൻ പുറത്തിരിക്കേണ്ടി വരും. എന്നെ സംബന്ധിച്ചിടത്തോളം ഇത് വളരെയധികം ബുദ്ധിമുട്ടുള്ള ഒരു കാര്യമാണ്. കാരണം ആദ്യമായാണ് എനിക്ക് പരിക്ക് ഏൽക്കുന്നത്. പക്ഷേ ഏറ്റവും മികച്ച രീതിയിൽ തിരിച്ചു വരാൻ വേണ്ടി ഞാൻ ശ്രമിക്കുക തന്നെ ചെയ്യും. കളിക്കളത്തിൽ ഇല്ലെങ്കിലും എന്റെ ടീമിനെ സപ്പോർട്ട് ചെയ്യുന്നത് ഞാൻ തുടരും. ചാമ്പ്യൻസ് ലീഗിൽ എന്റെ സഹോദരനെതിരെ കളിക്കുക എന്നുള്ളതായിരുന്നു എന്റെ സ്വപ്നം.അത് സാധിക്കാത്തതിൽ എനിക്ക് ദുഃഖമുണ്ട്. നിങ്ങളുടെ പിന്തുണക്കും മെസ്സേജുകൾക്കും ഞാൻ നന്ദി പറയുന്നു ” ഏദൻ എംബപ്പേ പറഞ്ഞു.
ഫ്രഞ്ച് ലീഗിൽ ഭേദപ്പെട്ട പ്രകടനം മാത്രമാണ് താരം നടത്തുന്നത്. മൂന്നു മത്സരങ്ങൾ കളിച്ച ഏദൻ ഇത് വരെ ഗോളുകൾ ഒന്നും തന്നെ നേടിയിട്ടില്ല. രണ്ട് സഹോദരങ്ങളും പിഎസ്ജിക്ക് വേണ്ടി വർക്ക് ചെയ്തിട്ടുള്ളവരാണ്. ഈ വർഷം നടന്ന സമ്മർ ട്രാൻസ്‌ഫെറിൽ ഇരുവരും പിഎസ്ജി ക്ലബിനോട് വിട പറയുകയായിരുന്നു.
Read more
