ഇന്ന് നടന്ന ലോകകപ്പ് യോഗ്യത മത്സരങ്ങളിൽ ബ്രസീലിനും അർജന്റീനക്കും ഞെട്ടിക്കുന്ന തോൽവി. ഒന്നിനെതിരെ 2 ഗോളുകൾക്ക് കൊളംബിയ ആണ് അർജന്റീനയെ പരാജയപ്പെടുത്തിയത് എങ്കിൽ എതിരില്ലാത്ത ഒരു ഗോളിന് പരാഗ്വ ആണ് ബ്രസീലിനെ തോൽപ്പിച്ചത്. കോപ്പ അമേരിക്ക ഫൈനലിലെ തോൽവിക്ക് കൊളംബിയ പ്രതികാരം തീർക്കുന്ന കാഴ്ചയാണ് ഇന്നത്തെ മത്സരത്തിൽ കാണാൻ സാധിച്ചത്.
കൊളംബിയ തന്നെ ആണ് മത്സരത്തിൽ ആധിപത്യം നേടിയത്. കളി തുടങ്ങി ഇരുപത്തിയഞ്ചാം മിനിറ്റിൽ മൊസ്ക്കേരയാണ് കൊളംബിയക്ക് വേദി ആദ്യ ഗോൾ നേടിയത്. ഹാമിഷ് റോഡ്രിഗസ് ആണ് അസിസ്റ്റ് നൽകിയത്. എന്നാൽ 48ആം മിനുട്ടിൽ നിക്കോ ഗോൺസാലസ് അർജന്റീനക്ക് വേണ്ടി തിരിച്ചടിക്കുകയായിരുന്നു.മികച്ച ഒരു ഗോൾ തന്നെയാണ് താരം നേടിയത്. എന്നാൽ 60 ആം മിനിറ്റിൽ കിട്ടിയ പെനാൽറ്റി ലക്ഷ്യത്തിൽ എത്തിച്ചതോടെ കൊളംബിയ ജയം ഉറപ്പിക്കുക ആയിരുന്നു.
കുറച്ചുനാളുകളായി മോശം ഫോമിൽ കളിക്കുന്ന ബ്രസീലും ഇന്ന് പരാജയം ഏറ്റുവാങ്ങി. എതിരില്ലാത്ത ഒരു ഗോളിന് ആയിരുന്നു അവരുടെ പരാജയം. ദയനീയ പ്രകടനം തന്നെ ആണ് ബ്രസീൽ കാഴ്ചവെച്ചത് എങ്കിൽ പരാഗ്വ മത്സരത്തിൽ ഉടനീളം മികവ് പുലർത്തുകയും അർഹിച്ച ജയം സ്വന്തമാക്കുകയും ആയിരുന്നു.
യോഗ്യത റൗണ്ടിൽ അഞ്ചാം സ്ഥാനത്താണ് നിലവിൽ ബ്രസീൽ എങ്കിൽ അര്ജന്റീന ഒന്നാമത് തുടരുന്നു.
