2023 – 24 കാലയളവിൽ കാർലോ അൻസെലോട്ടിയുടെ കീഴിൽ മികച്ച ഒരു സീസൺ പൂർത്തീകരിച്ച സ്പാനിഷ് വമ്പന്മാരായ റയൽ മാഡ്രിഡ് പുതിയ സീസൺ വേണ്ടിയുള്ള മുന്നൊരുക്കത്തിലാണ്. കഴിഞ്ഞ സീസണിൽ ലീഗും ചാമ്പ്യൻസ് ലീഗും സൂപ്പർ കപ്പും നേടാൻ റയൽ മാഡ്രിഡിന് സാധിച്ചു. ഇറ്റാലിയൻ മാനേജർ കാർലോ അൻസെലോട്ടിയുടെ കീഴിൽ ഏറ്റവും മികച്ച പ്രകടനമാണ് ലോസ് ബ്ലാങ്കോസ് കാഴ്ചവെക്കുന്നത്. അൻസെലോട്ടി കഴിഞ്ഞ ഡിസംബറിൽ 2026 വരെ തന്റെ റയൽ മാഡ്രിഡ് കോൺട്രാക്ട് നീട്ടിയിരുന്നു. പുതിയ സീസൺ വരാനിരിക്കുന്ന സന്ദർഭത്തിൽ എല്ലാ അർത്ഥത്തിലും ഒരുങ്ങുകയായാണ് റയൽ മാഡ്രിഡ്.
രണ്ട് ആഴ്ചക്കുളിൽ ഫ്രഞ്ച് ഡിഫെൻഡറെ ടീമിലെത്തിക്കാനുള്ള ശ്രമത്തിലാണ് മാഡ്രിഡ് ബോർഡ്. അതേസമയം മാഡ്രിഡിന്റെ സ്പാനിഷ് പ്ലയെർ ഡാനി സെബയോസ് ടീം വിടാനൊരുങ്ങുകയാണെന്നും റിപ്പോർട്ടുണ്ട്. അടുത്ത സീസണിൽ മറ്റേതെങ്കിലും ക്ലബ്ബിന്റെ ഭാഗമാവേണമെന്ന് ഡാനി ആഗ്രഹിക്കുന്നു. അടുത്ത സീസോണിലേക്കുള്ള മാഡ്രിഡിന്റെ പ്രധാന ട്രാൻസ്ഫർ വാർത്തകൾ പരിശോധിക്കാം.
ഫ്രഞ്ച് ലീഗ് ലീഗ് 1 ക്ലബ് ആയ ലില്ലിയുടെ താരം ലെനി യോറോയാണ് മാഡ്രിഡ് ആദ്യം ക്ലബ്ബിൽ എത്തിക്കാൻ ശ്രമിക്കുന്നത്. വരാനിരിക്കുന്ന സമ്മർ ട്രാൻസ്ഫർ വിൻഡോയിൽ തന്നെ ഫ്രഞ്ച് ഡിഫെൻഡറെ ടീമിലെത്തിക്കാനുള്ള എല്ലാ നീക്കങ്ങളും നടത്തുകയാണ് മാഡ്രിഡ്. കഴിഞ്ഞ സീസണിൽ ലില്ലിക്കൊപ്പം 44 മത്സരങ്ങൾ കളിക്കാൻ സാധിച്ച യോറോ മികച്ച സീസൺ ആണ് അവിടെ പൂർത്തീകരിച്ചത്. ലീഗ് 1 ക്ലബ്ബുമായുള്ള താരത്തിന്റെ കരാർ അടുത്ത സീസണോടെ അവസാനിക്കും.
ലില്ലിയിൽ തന്റെ കരാർ നീട്ടുന്നതിന് യോറോ ഇതുവരെ സമ്മതം മൂളിയിട്ടില്ല. അടുത്ത വർഷം പുതിയ കളിക്കാരനെ കൊണ്ടുവരാം എന്ന് വിചാരിച്ചിരുന്ന റയൽ മാഡ്രിഡ് അവരുടെ മുഖ്യ കളിക്കാരൻ നാച്ചോ ഫെർണാണ്ടസ് വിടവാങ്ങിയതിനെ തുടർന്നാണ് ഇങ്ങനെയൊരു നീക്കം നടത്തുന്നത്.
Read more
യോറോയെ മറ്റ് ക്ലബ്ബുകൾക്ക് വേണ്ടി വിൽക്കാൻ ലില്ലി തയ്യാറാണ് എങ്കിലും 70 മില്യൺ യൂറോയാണ് അവർ ആവശ്യപ്പെടുന്ന ട്രാൻസ്ഫർ തുക. എന്നാൽ കരാറിന്റെ അവസാന വർഷത്തിലുള്ള ഈ താരത്തിന് ഇത്ര തുക നൽകാൻ മാഡ്രിഡ് തയാറല്ല പകരം 40 മില്യൺ യൂറോയാണ് മാഡ്രിഡ് ലില്ലിക്ക് മുന്നിൽ വെക്കുന്ന പ്രയോഗിക്കകമായ സാധ്യത. ലെനി യോറോയെ വേറെയും ക്ലബ്ബുകൾ നോട്ടമിടുന്നുണ്ട്. പി എസ് ജി , ലിവർപൂൾ, മാഞ്ചസ്റ്റർ യുണൈറ്റഡ് എന്നിവരാണ് അതിൽ പ്രമുഖർ.
