ഐഎസ്എല്‍ സീസണിന്റെ തുടക്കത്തില്‍ തന്നെ കേരള ബ്ലാസ്റ്റേഴ്‌സിന് തിരിച്ചടിയായി യുവ താരം കെ.പി. രാഹുലിന്റെ പരിക്ക്. തുടയ്ക്ക് പരിക്കേറ്റ രാഹുല്‍ ബയോബബിള്‍ വിട്ട് മുംബൈയില്‍ ചികിത്സയ്ക്കു പോകും. ഇക്കാര്യം ക്ലബ്ബ് അധികൃതര്‍ സ്ഥിരീകരിച്ചു.
എടികെ മോഹന്‍ ബഗാനെതിരായ ഉദ്ഘാടന മത്സരത്തിനിടെയാണ് രാഹുലിന് പരിക്കേറ്റത്. ബ്ലാസ്റ്റേഴ്‌സിന്റെ സമനില ഗോളിനായി സഹല്‍ അബ്ദുള്‍ സമദിന് പന്ത് പകുത്തതിനു പിന്നാലെ രാഹുല്‍ കളത്തില്‍ നിന്ന് തിരിച്ചുകയറിയിരുന്നു. പ്രാഥമിക പരിശോധനയില്‍ തുടയ്ക്ക് പരിക്കുള്ളതായി വ്യക്തമായി. തുടര്‍ന്ന് മെഡിക്കല്‍ ടീം താരത്തിന് വിദഗ്ധ ചികിത്സ നിര്‍ദേശിക്കുകയായിരുന്നു.
Read more
രാഹുലിന്റെ അഭാവം ബ്ലാസ്റ്റേഴ്‌സിന് തിരിച്ചടിയാകുമെന്ന് വിലയിരുത്തപ്പെടുന്നു. ആദ്യ മത്സരത്തില്‍ എടികെ മോഹന്‍ ബഗാനോട് ബ്ലാസ്റ്റേഴ്‌സ് രണ്ടിനെതിരെ നാലു ഗോളിന് തോറ്റിരുന്നു.
