ക്വാർട്ടർ ഫൈനലിൽ ക്രൊയേഷ്യ ബ്രസീലിനെ അട്ടിമറിച്ചതിന് ശേഷം 2022 ഫിഫ ലോകകപ്പ് നേടുമെന്ന് അർജന്റീന ആത്മവിശ്വാസത്തിലായിരുന്നുവെന്ന് ‘പാപ്പു’ ഗോമസ് വെളിപ്പെടുത്തി. ബ്രസീൽ തോറ്റപ്പോൾ ടൂർണമെന്റ് വിജയിച്ചതുപോലെ മുഴുവൻ ടീമും ആഘോഷിച്ചതായി സെവിയ്യ വിംഗർ അവകാശപ്പെട്ടു. ബ്രസീൽ ജയിച്ചിരുന്നെങ്കിൽ അര്ജന്റീന- ബ്രസീൽ സെമിഫൈനൽ നടക്കുമായിരുന്നു, അങ്ങനെ ഒരു മത്സരം ചിലപ്പോൾ അർജന്റീനക്ക് കടുപ്പം ആവുകയും ചെയ്യുമായിരുന്നു.
ലയണൽ മെസ്സിയുടെ നേതൃത്വത്തിലുള്ള അർജന്റീന കഴിഞ്ഞ വർഷം ഖത്തറിൽ നടന്ന ഫിഫ ലോകകപ്പിൽ സൗദി അറേബ്യയോട് തോൽവിയോടെയാണ് തുടങ്ങിയത് എങ്കിലും പിന്നീട് മികച്ച പ്രകടനങ്ങൾ പുറത്തെടുത്ത് അവസാനം ഫൈനലിൽ ഫ്രാൻസിനെ പെനാൽറ്റി ഷൂട്ട് ഔട്ടിൽ കീഴടക്കി വിജയം കിരീടം സ്വന്തം ആക്കുക ആയിരുന്നു.
ബ്രസീൽ ടൂർണമെന്റിൽ നിന്ന് പുറത്തായതോടെ തന്നെ തങ്ങൾ ട്രോഫി ഉറപ്പിച്ചതായി അര്ജന്റീന താരം പറയുന്നു. നെതർലൻഡ്‌സിനെതിരായ ക്വാർട്ടർ ഫൈനൽ മത്സരം ബ്രസീലിന്റെ മത്സര ശേഷം തന്നെ നടക്കുന്നതിനാൽ തങ്ങൾ അത് കണ്ട് ആവേശം കൊണ്ടു എന്നും താരം പറയുന്നു.
Read more
” ബ്രസീൽ തോറ്റപ്പോൾ ഒരുപക്ഷെ ക്രൊയേഷ്യ ആഘോഷിച്ചതിനേക്കാൾ തങ്ങൾ ആയിരുന്നു ആഘോഷിച്ചത് എന്നും ട്രോഫി തങ്ങൾ ഉറപ്പിച്ചതായിട്ടും ആത്മവിശ്വാസം ഉണ്ടായിരുന്നു.”
