കല്യാണ് ഡവലപ്പേഴ്സിന്റെ കേരളത്തിലെ പന്ത്രണ്ടാമത് പദ്ധതിയായ തൃശൂരിലെ കല്യാണ് മെരിഡിയൻ കൃത്യസമയത്ത് പണിപൂര്ത്തിയാക്കി താക്കോല് കൈമാറി. തൃശൂർ ഹയാത്ത് റീജൻസിയിൽ സംഘടിപ്പിച്ച താക്കോൽ കൈമാറ്റ ചടങ്ങ് റവന്യൂ, ഭവന നിർമ്മാണ വകുപ്പ് മന്ത്രി കെ രാജൻ ഉദ്ഘാടനം ചെയ്തു.
![](https://media.southlive.in/2024/07/meridian-handover.jpg)
കല്യാണ് ഡവലപ്പേഴ്സിന്റെ കേരളത്തിലെ പന്ത്രണ്ടാമത് പദ്ധതിയായ തൃശൂരിലെ കല്യാണ് മെരിഡിയൻ പണിപൂര്ത്തിയാക്കി താക്കോല് കൈമാറുന്ന ചടങ്ങ് റവന്യൂ, ഭവന നിർമ്മാണ വകുപ്പ് മന്ത്രി കെ രാജൻ ഉദ്ഘാടനം ചെയ്യുന്നു. കല്യാണ് ഡവലപ്പേഴ്സ് മാനേജിംഗ് ഡയറക്ടർ ആർ കാർത്തിക്, കല്യാണ് ജൂവലേഴ്സ് മാനേജിംഗ് ഡയറക്ടർ ടി.എസ്. കല്യാണരാമന്, കല്യാണ് ജൂവലേഴ്സ് എക്സിക്യൂട്ടീവ് ഡയറക്ടർമാരായ രമേഷ് കല്യാണരാമന്, രാജേഷ് കല്യാണരാമന് എന്നിവർ സമീപം.
കല്യാണ് ഡവലപ്പേഴ്സ് തൃശൂരിൽ പണി പൂർത്തിയാക്കി താക്കോൽ കൈമാറുന്ന ആറാമത് പദ്ധതിയാണ് കല്യാണ് മെരിഡിയൻ. തൃശൂരിലെ പ്രധാന റെസിഡന്ഷ്യല് മേഖലയായ അയ്യന്തോളിലാണ് കല്യാണ് മെരിഡിയൻ എന്ന ആഡംബരപൂര്ണമായ ഭവനപദ്ധതി.
11 നിലകളിലായി മനോഹരമായി രൂപകൽപന നിർവഹിച്ച 43 2ബിഎച്ച്കെ, 3ബിഎച്ച്കെ അപ്പാർട്ട്മെന്റ് യൂണിറ്റുകളാണ് കല്യാണ് മെരിഡിയനിലുള്ളത്. സ്വിമ്മിംഗ് പൂള്, ജിം, പാര്ട്ടി ഹാള്, കുട്ടികള്ക്കുള്ള കളിസ്ഥലം തുടങ്ങിയ ഏറ്റവും നവീനമായ സൗകര്യങ്ങളാണ് ഇവിടെ ഒരുക്കിയിരിക്കുന്നത്.
ഇന്ത്യയിലെ ഏറ്റവും വിശ്വസ്ത ആഭരണ ബ്രാന്ഡുകളിലൊന്നായ കല്യാണ് ജൂവലേഴ്സിന്റെ സഹോദര സ്ഥാപനമാണ് കല്യാണ് ഡവലപ്പേഴ്സ്. തൃശൂർ, തിരുവനന്തപുരം, കൊച്ചി, കോഴിക്കോട്, കോട്ടയം എന്നിവിടങ്ങളിൽ നിലവിൽ കല്യാണ് ഡവലപ്പേഴ്സിന് ഭവന പദ്ധതികളുണ്ട്.
Read more
കൂടുതൽ വിവരങ്ങള്ക്ക് 90201 55555 എന്ന നമ്പരിൽ വിളിക്കുകയോ www.kalyandevelopers.com എന്ന വെബ്സൈറ്റ് സന്ദർശിക്കുകയെ ചെയ്യുക.