ബിഎസ്എൻഎൽ, എയർടെൽ തുടങ്ങിയ പ്രമുഖ ടെലികോം കമ്പനികൾക്ക് എതിരാളിയായി ഒരു പുതിയ റീചാർജ് പ്ലാൻ പുറത്തിറക്കി ജിയോ. വെറും 91 രൂപ നിരക്കിൽ കിടിലൻ അനൂകൂല്യങ്ങൾ വാഗ്ദാനം ചെയ്യുന്ന ഈ പ്ലാനിൽ അൺലിമിറ്റഡ് കോളിംഗ്, 3ജിബി ഡാറ്റ, 28 ദിവസം വാലിഡിറ്റി എന്നിവയാണ് വരുന്നത്.
28 ദിവസത്തേക്ക് ആകെ 3 ജിബി ഡാറ്റയാണ് റീച്ചാർജിൽ ജിയോ നൽകുന്നത്. 100 എംബിയുടെ ഡെയ്‌ലി ലിമിറ്റ് ഏർപ്പെടുത്തിയിട്ടുമുണ്ട്. ഡാറ്റ പരിധി കഴിഞ്ഞാൽ 200 എംബി അധിക ഡാറ്റ ലഭിക്കുകയും ചെയ്യും. 50 സൗജന്യ എസ്എംഎസും ജിയോയുടെ ഈ റീച്ചാർജിൽ ലഭിക്കും.
പ്ലാനിലെ സബ്‌സ്‌ക്രൈബർമാർക്ക് ജിയോ ടിവി , ജിയോ സിനിമ, ജിയോ ക്ലോഡ് എന്നിവയുൾപ്പെടെയുള്ള ജിയോ ഉള്ളടക്ക സേവനങ്ങളിലേക്ക് കോംപ്ലിമെൻ്ററി ആക്‌സസ് ലഭിക്കുകയും ചെയ്യും. അതേസമയം, അധികം ഡാറ്റ ആവശ്യമില്ലാത്ത ഉപഭോക്താക്കളെ ലക്ഷ്യമിട്ടുകൊണ്ടുള്ള ഒരു റീച്ചാർജ് പ്ലാനാണ് ഇത്. മൈജിയോ, ജിയോ.കോം എന്നിവയോ ജിയോ ഔട്ട്‌ലറ്റുകൾ വഴിയോ ഉപഭോക്താക്കൾക്ക് റീച്ചാർജ് ചെയ്യാനാകും.
