ഐശ്വര്യ റായ്-അഭിഷേക് ബച്ചന്‍ ദമ്പതികളുടെ വേര്‍പിരിയല്‍ ആണ് ബിടൗണില്‍ ഇപ്പോള്‍ ചൂടുള്ള ചര്‍ച്ചയാകുന്നത്. അഭിഷേകും നടി നിമ്രത് കൗറുമായുള്ള ബന്ധമാണ് ഐശ്വര്യ റായ്‌യുമായുള്ള വേര്‍പിരിയിലിന് കാരണമായത് എന്ന ചര്‍ച്ചകളാണ് സോഷ്യല്‍ മീഡിയയില്‍ ഉയര്‍ന്നു കൊണ്ടിരിക്കുന്നത്. ഇതിനിടെ നിമ്രത് കൗറിനൊപ്പം നല്‍കിയ പഴയൊരു അഭിമുഖത്തില്‍ ഐശ്വര്യയെ കുറിച്ച് അഭിഷേക് പറഞ്ഞ വാക്കുകള്‍ വീണ്ടും ശ്രദ്ധ നേടുകയാണ്.
ഐശ്വര്യ എങ്ങനെയാണ് തന്നെ കെയര്‍ ചെയ്യാറുള്ളത് എന്നാണ് അഭിമുഖത്തില്‍ അഭിഷേക് പറയുന്നത്. ‘ദസ്‌വി’ എന്ന സിനിമയുടെ പ്രമോഷനുമായി നല്‍കിയ അഭിമുഖത്തിലാണ് അഭിഷേക് സംസാരിച്ചത്. താനൊരു നാണംകുണുങ്ങിയാണെന്നും തനിക്ക് ഭക്ഷണം ഓര്‍ഡര്‍ ചെയ്യുന്നത് പോലും ഐശ്വര്യ ആണെന്നുമാണ് അഭിമുഖത്തില്‍ അഭിഷേക് പറയുന്നത്.
”ഞാന്‍ ഒരു വലിയ നാണകുണുങ്ങിയാണ്. എനിക്ക് ചില വിചിത്രമായ സ്വഭാവങ്ങളുണ്ട്.ഞാന്‍ ഔട്ട്‌ഡോര്‍ ഷൂട്ടില്‍ ആണെങ്കില്‍ ഐശ്വര്യ വൈകിട്ട് വിളിക്കും, ഒരു സാധാരണ ഭാര്യയും ഭര്‍ത്താവും സംസാരിക്കുന്നത് പോലെ. കഴിച്ചോ എന്ന് അവള്‍ ചോദിക്കും, ഇല്ല എന്ന് ഞാന്‍ പറയും. എന്താണ് കഴിക്കാന്‍ വേണ്ടതെന്ന് അവള്‍ തിരിച്ച് ചോദിക്കും.”
”എന്താണ് വേണ്ടതെന്ന് ഞാന്‍ പറയും, പക്ഷെ എനിക്ക് റൂം സര്‍വീസില്‍ വിളിക്കാന്‍ പറ്റില്ലെന്നും പറയും. ഐശ്വര്യ തന്നെ വിളിച്ച് അറേഞ്ച് ചെയ്യണം, ഇല്ലെങ്കില്‍ ഞാന്‍ കഴിക്കില്ലെന്ന് അവള്‍ക്ക് അറിയാം” എന്നാണ് അഭിഷേക് പറയുന്നത്. ഇത് കേട്ട് നിമ്രത് കൗര്‍ പ്രതികരിക്കുന്നുമുണ്ട്.”
”എന്ത് സ്വീറ്റ് ആണ്.. ഭാഗ്യവാന്‍. ഇങ്ങനെയും ആളുകള്‍ ഉണ്ടെന്ന് സങ്കല്‍പ്പിക്കാനാകുമോ?” എന്ന് നിമ്രത് ചോദിക്കുന്നുണ്ട്. അഭിഷേകിനെയും നിമ്രതിനെയും ട്രോളി കൊണ്ടാണ് ഈ വീഡിയോ വീണ്ടും സോഷ്യല്‍ മീഡിയയില്‍ പ്രചരിച്ചു കൊണ്ടിരിക്കുന്നത്.
