ഒരു സിനിമ പരാജയപ്പെട്ടാല്‍ തന്റെ കരിയര്‍ അവസാനിക്കുമെന്ന് നടന്‍ കാര്‍ത്തിക് ആര്യന്‍. താന്‍ ബോളിവുഡ് കുടുംബത്തിന് പുറത്തുള്ള ആളായതിനാല്‍ ഒരു സിനിമ ബോക്‌സോഫീസില്‍ തകര്‍ന്നാല്‍ തന്നെ പിന്തുണയ്ക്കാന്‍ ആരും ഉണ്ടാവില്ല എന്നാണ് കാര്‍ത്തിക് ആര്യന്‍ ഫിലിം കമ്പാനിയന് നല്‍കിയ അഭിമുഖത്തില്‍ പറയുന്നത്.
അകത്ത് നിന്നുള്ള ഒരാള്‍ക്ക് എങ്ങനെ തോന്നുമെന്ന് അറിയില്ല. ഒരു സിനിമ പരാജയപ്പെട്ടാല്‍ അത് തന്റെ കരിയര്‍ അവസാനിപ്പിക്കുമെന്ന ധാരണ ശൃഷ്ടിക്കുമെന്ന് തോന്നുന്നുണ്ട്. ആ നിലയിലുള്ള തനിക്ക് വേണ്ടി ഒരാള്‍ ഒരു പ്രൊജക്ടുമായി വരുമെന്ന് കരുതുന്നില്ല എന്നാണ് കാര്‍ത്തിക് പറയുന്നത്. ഭൂല്‍ ഭുലയ്യ 2 ആണ് കാര്‍ത്തിക്കിന്റെതായി ഒടുവില്‍ പുറത്തിറങ്ങിയ ചിത്രം.
ഹൊറര്‍ കോമഡി ത്രില്ലര്‍ ചിത്രമായ ഭൂല്‍ ഭുലയ്യ 2 പ്രേക്ഷകര്‍ ഏറ്റെടുത്തിരുന്നു.ബോളിവുഡില്‍ അക്ഷയ് കുമാര്‍, ആമിര്‍ ഖാന്‍, കങ്കണ റണാവത്ത് എന്നീ പ്രമുഖ താരങ്ങളുടെ സിനിമകള്‍ പരാജയപ്പെട്ടപ്പോള്‍ ഭൂല്‍ ഭുലയ്യ 2 ബോക്‌സോഫീസില്‍ തരംഗം സൃഷ്ടിച്ചിരുന്നു. 100 കോടിക്ക് മുകളില്‍ സിനിമ നേടിയിരുന്നു.
Read more
സത്യപ്രേം കി കഥ എന്ന സിനിമയാണ് കാര്‍ത്തിക്കിന്റെതായി നിലവില്‍ ഒരുങ്ങുന്നത്. ഭൂല്‍ ഭുലയ്യ 2വിന് ശേഷം നായിക കിയാര അദ്വാനിയുമായി ഒന്നിക്കുന്ന നടന്റെ അടുത്ത ചിത്രമാണിത്. ഹന്‍സല്‍ മേത്ത സംവിധാനം ചെയ്യുന്ന ‘ക്യാപ്റ്റന്‍ ഇന്ത്യ’യിലും കാര്‍ത്തിക് ആണ് നായകന്‍. ഒ.ടി.ടി റിലീസ് ആയി എത്തുന്ന ‘ഫ്രഡ്ഡി’ ആണ് താരത്തിന്റെതായി എത്തുന്ന മറ്റൊരു സിനിമ.
