സല്‍മാന്‍ ഖാന്‍ ചിത്രം ‘ടൈഗര്‍ 3’ കഴിഞ്ഞ ദിവസമാണ് തിയേറ്ററില്‍ എത്തിയത്. ചെറിയൊരു ഇടവേളയ്ക്ക് ശേഷം തിയേറ്ററില്‍ എത്തിയ സല്‍മാന്‍ ചിത്രത്തിന് വന്‍വേല്‍പ്പാണ് ലഭിച്ചത്. എന്നാല്‍ തിയേറ്ററിലെ ആരാധകരുടെ ആഘോഷം അതിരുവിട്ടിരിക്കുകയാണ്.
സ്‌ക്രീനില്‍ സല്‍മാന്‍ മാസ് കാണിക്കുമ്പോള്‍ മാലേഗാവിലെ ആരാധകര്‍ ആഘോഷിച്ചത് തിയേറ്ററിനകത്ത് പടക്കം പൊട്ടിച്ചും പൂത്തിരി കത്തിച്ചുമാണ്. തിയേറ്ററിനകത്ത് ഒരു ദീപാവലി ആഘോഷം തന്നെ നടന്നു. നാസിക്കിലെ മോഹന്‍ തിയേറ്ററിലെ ആരാധകരുടെ സകല നിയന്ത്രണവും വിട്ടുള്ള ആഘോഷ പ്രകടനമായിരുന്നു.
Aatishbazi inside theater💥 this kind of celebration happens only for #SalmanKhan ‘s film🔥 #Tiger3 #Tiger3Review pic.twitter.com/LiMnFMSedW
— Devil V!SHAL (@VishalRC007) November 12, 2023
തിയേറ്റര്‍ അധികൃതര്‍ക്കും സിനിമ കാണാനെത്തിയവര്‍ക്കും ഇത് ഭയങ്കര ബുദ്ധിമുട്ടാണ് സൃഷ്ടിച്ചത്. ഇതിന്റെ വീഡിയോ സോഷ്യല്‍ മീഡിയയില്‍ വ്യാപകമായി പ്രചരിക്കുകയാണിപ്പോള്‍. പടക്കം പൊട്ടിത്തെറിക്കുന്നതില്‍ നിന്ന് രക്ഷപ്പെടാന്‍ ആളുകള്‍ ശ്രമിക്കുന്നതും വീഡിയോയില്‍ കാണാം. എന്നാല്‍ സംഭവത്തില്‍ ആളപായമൊന്നുമില്ല.
As Usual 💥 Salman Khan Fanclub Malegaon continues the TREND of Bursting Crackers in Theatres on Salman Khan’s Entry, Though It is not advised but Fans ka emotion kon Samjhe 💀💥 #Tiger3review #Tiger3 pic.twitter.com/HIoVWKEWBp
— YOGESH (@i_yogesh22) November 12, 2023
ഇതിന് പുറമേ ടൈഗര്‍ 3 കളിക്കുന്ന മറ്റു ചില തിയേറ്ററുകളിലും സമാനരീതിയിലുള്ള സംഭവങ്ങളുണ്ടായിട്ടുണ്ട്. സംഭവങ്ങളുടെ വീഡിയോ എത്തിയതോടെ വന്‍ വിമര്‍ശനമാണ് ലഭിക്കുന്നത്. യഷ് രാജ് ഫിലിംസിന്റെ സ്‌പൈ യൂണിവേഴ്‌സിന്റെ ഭാഗമായ ചിത്രത്തില്‍ വലിയ താരനിരയാണുള്ളത്. കത്രീന കൈഫ് ആണ് ചിത്രത്തില്‍ നായിക.
Read more
ചിത്രത്തിലെ വമ്പന്‍ സംഘട്ടനരംഗത്ത് അതിഥി വേഷത്തില്‍ ഷാരൂഖ് ഖാനും എത്തുന്നുണ്ട്. ‘പഠാന്‍’ ചിത്രത്തിലെ അതേ കഥാപാത്രമായാണ് ഷാരൂഖ് ഖാന്‍ എത്തിയത്. ഷാരൂഖിന്റെ പഠാനില്‍ ടൈഗര്‍ എന്ന കഥാപാത്രമായി സല്‍മാന്‍ ഖാന്‍ എത്തിയിരുന്നു.
