ഒരു പാറ്റയെ പോലും കൊല്ലാന്‍ പറ്റാത്ത തന്റെ മകന്‍ കൃഷ്ണമൃഗത്തെയല്ല ഒന്നിനെയും നോവിക്കില്ലെന്ന് സല്‍മാന്‍ ഖാന്റെ പിതാവ് സലിം ഖാന്. ഗുണ്ടാ നേതാവ് ലോറന്‍സ് ബിഷ്ണോയില്‍ നിന്ന് വീണ്ടും വധഭീഷണി നേരിടുന്ന സാഹചര്യത്തിലാണ് സലീം ഖാന് പ്രതികരിച്ചത്. മൃഗങ്ങളെ സ്നേഹിക്കുന്ന ആളാണ് സല്‍മാന്‍ എന്നും സലിം പറയുന്നുണ്ട്.
മൃഗങ്ങളെ വളരെയധികം സ്നേഹിക്കുന്ന സല്‍മാന്‍ ഖാന് ഒരു പാറ്റയെ പോലും കൊല്ലാന്‍ സാധിക്കില്ല. കൃഷ്ണമൃഗ വേട്ടയുമായി ബന്ധപ്പെട്ട സംഭവം ഉണ്ടായ സമയത്ത് സല്‍മാനുമായി സംസാരിച്ചു. സല്‍മാന്‍ ഖാന് മൃഗങ്ങളെ സ്നേഹിക്കുന്നു. അവന്‍ സ്നേഹിക്കുകയും നന്നായി സംരക്ഷിക്കുകയും ചെയ്ത ഒരു നായ ഉണ്ടായിരുന്നു.
അസുഖം ബാധിച്ച് മരിച്ചപ്പോള്‍ സല്‍മാന്‍ കരഞ്ഞു. ഞാന്‍ അവനോട് ചോദിച്ചു (കൃഷ്ണമൃഗത്തെ കുറിച്ച്) ആരാണ് അത് ചെയ്തത്? എന്ന്. അവന്‍ പറഞ്ഞു ‘ഞാന്‍ അവിടെ ഇല്ലായിരുന്നു’ എന്ന്. അവന്‍ എന്നോട് കള്ളം പറയില്ല. മൃഗങ്ങളെ കൊല്ലുന്നത് അയാള്‍ക്ക് ഇഷ്ടമല്ല. അവന്‍ മൃഗങ്ങളെ സ്നേഹിക്കുന്നു എന്നാണ് സലിം ഖാന് പറയുന്നത്.
എന്നിട്ടും എന്തിനാണ് ബിഷ്ണോയ് സമുദായത്തോട് മാപ്പ് പറഞ്ഞതെന്ന ചോദ്യത്തിന്, താന്‍ നിര്‍ബന്ധിച്ചതു കൊണ്ടാണ് എന്നാണ് സലിം ഖാന് പറയുന്നത്. ഞാന്‍ അത് ചെയ്തുവെന്ന് പറയാന്‍ അവനെ നിര്‍ബന്ധിതനാക്കിയതാണ്. അവനും കൊന്നിട്ടില്ല, ഞാനും ഒരു മൃഗത്തെയും കൊന്നിട്ടില്ല, ഒരു പാറ്റയെ പോലും ഞങ്ങള്‍ക്ക് കൊല്ലാനാകില്ല എന്ന് സലിം ഖാന് കൂട്ടിച്ചേര്‍ത്തു.
അതേസമയം, കഴിഞ്ഞ ദിവസവും ബിഷ്ണോയ് സംഘത്തില്‍ നിന്ന് സല്‍മാന്‍ ഖാന് വധഭീഷണി വന്നിരുന്നു. അഞ്ച് കോടി രൂപ നല്‍കിയാല്‍ സല്‍മാനുമായുള്ള ശത്രുത അവസാനിപ്പിക്കാം എന്ന ഉപാധിയും വച്ചിരുന്നു. മുംബൈ ട്രാഫിക് പോലീസിന് ആണ് ഭീഷണി സന്ദേശം ലഭിച്ചത്.
