നടി തമന്നയും ബോളിവുഡ് നടന്‍ വിജയ് വര്‍മ്മയും അടുത്ത വര്‍ഷം ആദ്യം വിവാഹിതരാകും. വിവാഹ തീയതി ഉടന്‍ പുറത്തുവിട്ടേക്കും. മാതാപിതാക്കളുടെയും അടുത്ത ബന്ധുക്കളുടെയും സാന്നിധ്യത്തിലായിരിക്കും വിവാഹം. ഇരുവരും വിവാഹ ഒരുക്കങ്ങള്‍ തുടങ്ങിയെന്ന വാര്‍ത്തകള്‍ ചില തെലുങ്ക് മാധ്യമങ്ങള്‍ റിപ്പോര്‍ട്ട് ചെയ്യുന്നുണ്ട്.
വിവാഹശേഷം താമസിക്കാനായി മുംബൈയില്‍ ഇരുവരും ആഡംബര അപ്പാര്‍ട്ടമെന്റ് വാങ്ങാനൊരുങ്ങുന്നതായും വിവരങ്ങളുണ്ട്. ‘ലസ്റ്റ് സ്റ്റോറീസ് 2’വിന്റെ ചിത്രീകരണത്തിനിടെയാണ് തമന്നയും വിജയ് വര്‍മ്മയും പ്രണയത്തിലായത്. പല അഭിമുഖങ്ങളിലും ഇരുവരും പ്രണയത്തെ കുറിച്ച് തുറന്നുപറഞ്ഞിട്ടുണ്ട്.
കഴിഞ്ഞ രണ്ട് വര്‍ഷത്തോളമായി ഇരുവരും ഡേറ്റിങിലാണ്. എന്നാല്‍ പ്രണയ വാര്‍ത്ത ഔദ്യോഗികമായി സ്ഥിരീകരിച്ചിരുന്നില്ല. ‘സിക്കന്ദര്‍ കാ മുഖന്ദര്‍’ എന്ന ചിത്രമാണ് തമന്നയുടെ പുതിയ റിലീസ്. നീരജ് പാണ്ഡെ സംവിധാനം ചെയ്യുന്ന ഒരു തെഫ്റ്റ് ത്രില്ലറായ ചിത്രം നെറ്റ്ഫ്‌ലിക്‌സ് വഴിയാണ് റിലീസാകുന്നത്.
Read more
സൂര്യയുടെ അടുത്ത സിനിമയിലാണ് വിജയ് വര്‍മ്മ ഇപ്പോള്‍ അഭിനയിക്കുന്നത്. കൂടാതെ ഉല്‍ ജലൂല്‍ ഇഷ്‌ക് എന്ന ചിത്രവും നടന്റെതായി ഒരുങ്ങുന്നുണ്ട്. ഷോര്‍ട്ട് ഫിലിമിലൂടെ അഭിനയരംഗത്ത് എത്തിയ വിജയ് ചിറ്റാഗോങ് എന്ന ചിത്രത്തിലൂടെയാണ് സിനിമയില്‍ എത്തിയത്. പിങ്ക്, ഗല്ലി ബോയ്, സൂപ്പര്‍ 30, ഭാഗി 3, ഡാര്‍ലിങ്‌സ് തുടങ്ങി നിരവധി ചിത്രങ്ങളില്‍ അഭിനയിച്ചിട്ടുണ്ട്.
