ഇത് തന്റെ അവസാന വിവാഹമാണെന്ന് നടന്‍ ബാല. നാലാം വിവാഹവുമായി ബന്ധപ്പെട്ട ട്രോളുകളോട് പ്രതികരിച്ചാണ് ബാല സംസാരിച്ചത്. മലയാളം വായിക്കാന്‍ അറിയാത്തതിനാല്‍ ട്രോള്‍ ചെയ്യുന്നവര്‍ ഇനി ഇംഗ്ലീഷില്‍ ട്രോള്‍ പങ്കുവയ്ക്കണമെന്നും ബാല പറഞ്ഞു.
പുതിയ ചിത്രത്തിന്റെ പേര് പ്രഖ്യാപിക്കാന്‍ എത്തിയപ്പോഴാണ് ഭാര്യയെ വേദിയില്‍ നിര്‍ത്തി നടന്‍ സംസാരിച്ചത്. ”ഒരുപാട് ട്രോള്‍ ഒക്കെ ഇറങ്ങിയിരുന്നു. ഇത് അവസാനത്തെ വിവാഹമാണ് കേട്ടോ. അതായിരിക്കും ഇനി നിങ്ങള്‍ ചോദിക്കാന്‍ പോകുന്നത്. കഷ്ടങ്ങള്‍ നമുക്കേ അറിയൂ.”
”ട്രോളുകള്‍ വന്നപ്പോഴും വേദന ഉള്ള കാര്യങ്ങള്‍ ചിലര്‍ ഇട്ടപ്പോള്‍ ഞാന്‍ കോകിലയോട് ചോദിച്ചു, ‘ഞാനൊരു സിനിമാക്കാരനാണ്. ഇതൊക്കെ കണ്ടിട്ടുണ്ട്. നിനക്ക് ഇതൊക്കെ കാണുമ്പോള്‍ വിഷമമുണ്ടോ? എന്ന്. ‘ഇല്ല, എനക്ക് മലയാളം തെരിയാത് മാമാ’ എന്നായിരുന്നു അവളുടെ മറുപടി.”
”എനിക്കും മലയാളം വായിക്കാന്‍ അറിയില്ല. ട്രോള്‍ ചെയ്യുന്നവരോടും എന്നെ കുറിച്ച് നെഗറ്റീവ് എഴുതുന്നവരോടും ഒരു അപേക്ഷയുണ്ട്. കുറച്ച് ഇംഗ്ലിഷ് കൂടി ചേര്‍ത്താല്‍ മനസിലാകും. അതുകൊണ്ട് മുഴുവന്‍ മലയാളത്തില്‍ എഴുതാതിരിക്കുക” എന്നാണ് ബാല പറയുന്നത്.
അതേസമയം, ഇന്നലെയാണ് ബാല നാലാമതും വിവാഹിതനായത്. കന്നഡക്കാരിയായ യുവതിയാണ് നടന്റെ ആദ്യ ഭാര്യ. ഗായിക അമൃത സുരേഷ് ആണ് രണ്ടാം ഭാര്യ. എലിസബത്ത് ആണ് മൂന്നാം ഭാര്യ. ആദ്യ വിവാഹവും മൂന്നാം വിവാഹവും നടന്‍ ബാല രജിസ്റ്റര്‍ ചെയ്തിരുന്നില്ല.
