കഴിഞ്ഞ പത്ത് വര്ഷത്തിനിടെ നാല് സര്ജറികള്ക്കാണ് താന് വിധേയായത് എന്ന് നടിയും അവതാരകയുമായ ദിവ്യദര്ശിനി. വര്ഷങ്ങള്ക്ക് ശേഷം രജനികാന്തിന്റെ ‘വേട്ടയ്യന്’ ചിത്രത്തിന്റെ ഓഡിയോ ലോഞ്ചിലാണ് ഡിഡി എന്നറിയപ്പെടുന്ന ദിവ്യദര്ശിനി എത്തിയത്.
എതാനും ദിവസങ്ങള്ക്ക് മുമ്പ് താന് നടന്നു പോയ വിഷമഘട്ടങ്ങളെ കുറിച്ച് ഡിഡി സോഷ്യല് മീഡിയയില് കുറിച്ചിരുന്നു. കഴിഞ്ഞ പത്ത് വര്ഷത്തിനിടെ നാല് സര്ജറികള്ക്കാണ് താന് വിധേയായത്. കഴിഞ്ഞ മൂന്ന് മാസക്കാലം തന്നെ സംബന്ധിച്ച് ഏറ്റവും പ്രധാനപ്പെട്ടതും വേദന നിറഞ്ഞതുമായിരുന്നു. തന്റെ കാല്മുട്ട് പൂര്ണമായി മാറ്റിവച്ചു.
അഞ്ച് മണിക്കൂറോളം നീണ്ട പരിപാടി പൂര്ണമായി അവതരിപ്പിച്ച ദിവ്യദര്ശിനി പരിപാടിക്ക് മുന്നോടിയായി ‘മനസിലായോ’ ഗാനത്തിന് ചുവടുവെക്കുകയും ചെയ്തിരുന്നു. ഇതിനിടെ മറ്റൊരാളുടെ കൈപിടിച്ച് സ്റ്റേജിലേക്ക് കയറുന്ന ഡിഡിയുടെ വീഡിയോയും പുറത്തുവന്നിട്ടുണ്ട്.
View this post on Instagram
അതേസമയം, കമല് സംവിധാനം ചെയ്ത ‘ശുഭയാത്ര’ എന്ന ചിത്രത്തില് ബാലതാരമായിട്ടായിരുന്നു അരങ്ങേറ്റം. തുടര്ന്ന് അനേകം തമിഴ് സിനിമകളിലും സീരിയലുകളിലും വെബ് സീരീസിലും ഒക്കെ ശ്രദ്ധേയ വേഷങ്ങള് ചെയ്തു.
ഒക്ടോബര് പത്തിന് ആണ് വേട്ടയ്യന് റിലീസിനെത്തുന്നത്. അമിതാഭ് ബച്ചന്, ഫഹദ് ഫാസില്, റാണാ ദഗുബതി, ദുഷാര വിജയന്, കിഷോര്, റിതിക സിങ്, ജി എം സുന്ദര്, രോഹിണി, റാവൊ രമേശ്, രമേശ് തിലക്, ഫഹദ് ഫാസില് എന്നിങ്ങനെ വലിയ താരനിര തന്നെ ചിത്രത്തില് അണിനിരക്കുന്നുണ്ട്.
View this post on Instagram