ബോളിവുഡിലെ കിംഗ് ഖാന്‍ ഷാരൂഖ് കാരണം പൊറുതിമുട്ടി ഗായകന്‍ ഹരീഷ് ശിവരാമകൃഷ്ണന്‍. അനാവശ്യമായി ആളുകള്‍ തന്നെ ടാഗ് ചെയ്യുകയാണ് എന്നാണ് ഇന്‍സ്റ്റഗ്രാം സ്റ്റോറിയിലൂടെ ഗായകന്‍ പറയുന്നത്. ഇന്ത്യന്‍ സിനിമയില്‍ തന്നെ ഏറ്റവും ആരാധകരുള്ള താരമാണ് ഷാരൂഖ് ഖാന്‍.
സോഷ്യല്‍ മീഡിയയിലും താരത്തിന് ഫോളോവേഴ്‌സ് ഏറെയാണ്. 30 മില്യണിന് മുകളിലാണ് ഇന്‍സ്റ്റഗ്രാമില്‍ താരത്തിന് ഫോളോവേഴ്‌സുള്ളത്. ഐ ആം എസ്ആര്‍കെ എന്നതാണ് ഷാരുഖിന്റെ ഇന്‍സ്റ്റ ഐഡി. ഹരീഷിന്റെ ഇന്‍സ്റ്റ ഐഡിയിലും എസ്ആര്‍കെ എന്നു വരുന്നുണ്ട്.
ഇതാണ് പലരും തെറ്റായി ടാഗ് ചെയ്യാന്‍ കാരണമായത്. താന്‍ എസ്ആര്‍കെ അല്ല എന്ന് വ്യക്തമാക്കിക്കൊണ്ടാണ് ഹരീഷ് കുറിപ്പ് പങ്കുവച്ചിരിക്കുന്നത്. ആറ്റ്‌ലിയും വിജയും ഷാരൂഖും ഒന്നിച്ചുള്ള ചിത്രത്തില്‍ ഒരാള്‍ തന്നെ ടാഗ് ചെയ്ത സ്‌ക്രീന്‍ ഷോട്ടും ഹരീഷ് പോസ്റ്റ് ചെയ്തിട്ടുണ്ട്.
”ഞാന്‍ പാവമൊരു സംഗീതജ്ഞനും ഡിസൈനറുമാണ്, എന്റെ പേര് ഹരീഷ്. ബോളിവുഡ് സൂപ്പര്‍ സ്റ്റാര്‍ ഷാരൂഖ് ഖാന്റെ ഐഡി ഇതാണ്. ദയവായി ശരിയായി ടാഗ് ചെയ്യൂ. ഷാരൂഖ് ഖാന്‍ ആണെന്ന് കരുതി നിരവധി ആളുകളാണ് എന്നെ ഓരോ ദിവസവും ടാഗ് ചെയ്യുന്നത്. ഞാന്‍ അദ്ദേഹമല്ല എന്നാണ് ഹരീഷ് കുറിച്ചിരിക്കുന്നത്.
Read more
