ഭാര്യ ആരതിയുമായി വിവാഹബന്ധം അവസാനിപ്പിച്ച് തമിഴ് നടൻ ജയം രവി. ആരതിയുമായുള്ള വിവാഹബന്ധം വേർപെടുത്തുന്നത് സംബന്ധിച്ച തീരുമാനമെടുത്തത് ശ്രദ്ധാപൂർവം ആലോചിച്ച ശേഷമാണെന്ന് വിശദീകരിച്ച് തമിഴിലും ഇംഗ്ലീഷിലുമുള്ള കുറിപ്പ് അദ്ദേഹം പങ്കുവച്ചിട്ടുണ്ട്.
ഈ പ്രയാസകരമായ സമയത്ത് സ്വകാര്യത വേണമെന്നും നടൻ പറയുന്നു. കുറച്ച് മാസങ്ങൾക്ക് മുമ്പ് ആരതി തൻ്റെ ഇൻസ്റ്റാഗ്രാം പേജിൽ ജയം രവിയുമൊത്തുള്ള ഫോട്ടോകൾ ഡിലീറ്റ് ചെയ്തതോടെ വേർപിരിയലിനെക്കുറിച്ചുള്ള വാർത്തകൾ പ്രചരിച്ചിരുന്നു.
Grateful for your love and understanding.
Jayam Ravi pic.twitter.com/FNRGf6OOo8
— Jayam Ravi (@actor_jayamravi) September 9, 2024
ഈ തീരുമാനം തനിക്കും ആരതിക്കും വേദനാജനകമായിരുന്നെങ്കിലും ഏറെ ആലോചിച്ച ശേഷമാണ് ഇരുവരും അത് എടുത്തതെന്ന് സോഷ്യൽ മീഡിയയിലെ തൻ്റെ നീണ്ട പോസ്റ്റിൽ ജയം പങ്കുവെച്ചു.
‘വളരെയധികം ചിന്തിച്ചതിനും ചർച്ചകൾക്കും ശേഷം, ആരതിയുമായുള്ള എൻ്റെ വിവാഹബന്ധം വേർപെടുത്തുക എന്ന ബുദ്ധിമുട്ടുള്ള തീരുമാനമെടുത്തു. ഈ തീരുമാനം തിടുക്കത്തിൽ എടുത്തതല്ല. മികച്ചതാണെന്ന് ഞാൻ വിശ്വസിക്കുന്ന വ്യക്തിപരമായ കാരണങ്ങളാൽ എടുത്തതാണ്. തീർച്ചയായും ഇത് എല്ലാവരുടെയും നല്ലതിനു വേണ്ടിയാണ്’ എന്നാണ് കുറിപ്പിൽ പറയുന്നത്.
2009-ലാണ് ജയം രവിയും ആരതിയുംവിവാഹിതരായത്. പ്രശസ്ത ടെലിവിഷൻ നിർമ്മാതാവായ സുജാത വിജയകുമാറിൻ്റെ മകളാണ് ആരതി . ആരവ്, അയാൻ എന്നീ രണ്ട് ആൺമക്കളാണ്‌ ഇരുവർക്കും ഉള്ളത്.
