‘കാര്യസ്ഥന്‍’ എന്ന ചിത്രത്തിലൂടെയാണ് മഹിമ നമ്പ്യാര്‍ അഭിനയരംഗത്തേക്ക് എത്തുന്നത് എങ്കിലും ‘ആര്‍ഡിഎക്‌സ്’ എന്ന ചിത്രത്തിലൂടെയാണ് താരം ഏറെ ശ്രദ്ധ നേടുന്നത്. 100 കോടി ക്ലബ്ബിലെത്തിയ ചിത്രത്തിലെ മഹിമയുടെ പ്രകടനത്തിന് പ്രേക്ഷകര്‍ കൈയ്യടിച്ചിരുന്നു.
മുത്തയ്യ മുരളീധരന്റെ ബയോപിക് ആയി ഒരുങ്ങുന്ന ‘800’ എന്ന ചിത്രമാണ് മഹിമയുടെതായി ഇനി റിലീസിന് ഒരുങ്ങുന്നത്. സിനിമയുടെ പ്രമോഷന്റെ ഭാഗമായി നല്‍കിയ അഭിമുഖത്തില്‍ സംസാരിക്കവെ തന്റെ ഭാവി വരനെ കുറിച്ചുള്ള സങ്കല്‍പങ്ങളെ കുറിച്ചും പറഞ്ഞിരിക്കുകയാണ് മഹിമ ഇപ്പോള്‍.
പ്രായം തനിക്കൊരു പ്രശ്നമല്ല എന്നാണ് നടി പറയുന്നത്. തന്നെക്കാള്‍ പ്രായം കുറഞ്ഞ ആളാണെങ്കിലും അതൊരു പ്രശ്നമല്ല. പക്ഷെ തീരെ ചെറുപ്പമാവാതിരുന്നാല്‍ മതി. തന്നെ നോക്കുന്ന ആളായിരിക്കണം എന്ന നിര്‍ബന്ധമൊന്നുമില്ല. എന്നെ നോക്കാന്‍ എനിക്കറിയാം, പക്ഷെ ജീവിതം അലങ്കോലമായ ആളാവരുത്.
തന്നെ സംബന്ധിച്ച്, ഒരു പ്രോജക്ട് ഏറ്റെടുത്താല്‍ അതില്‍ നൂറ് ശതമാനം ആത്മാര്‍ത്ഥത തനിക്ക് പുലര്‍ത്തണം. താന്‍ അങ്ങനെയാവുമ്പോള്‍, പാര്‍ട്ണരും അങ്ങനെ ആയിരിക്കണമല്ലോ. ജോലിയോട് ആത്മാര്‍ത്ഥതയുള്ള ആള്‍ക്കാര്‍ വര്‍ക്ക് ഹോളിക് ആയിരിക്കും എന്നാണ് മഹിമ പറയുന്നത്.
Read more
മലയാളത്തില്‍ കാര്യസ്ഥനും ആര്‍ഡിഎക്‌സും കൂടാതെ ‘മാസ്റ്റര്‍ പീസ്’, ‘മധുരരാജ’, ‘വാലാട്ടി’ എന്നീ ചിത്രങ്ങളിലും വേഷമിട്ടിട്ടുണ്ട്. ‘സാട്ടൈ’ എന്ന ചിത്രത്തിലൂടെയാണ് മഹിമ തമിഴില്‍ ശ്രദ്ധ നേടുന്നത്. ‘രഥം’ എന്നൊരു ചിത്രം കൂടി മഹിമയുടേതായി തമിഴില്‍ ഒരുങ്ങുന്നുണ്ട്.
