നവാഗതനായ നഹാസ് ഹിദായത്ത് സംവിധാനം ചെയ്ത ‘ആർ. ഡി. എക്സ്’ എന്ന ചിത്രത്തിലൂടെ പ്രേക്ഷകർക്ക് പ്രിയങ്കരിയായ നടിയാണ് മഹിമ നമ്പ്യാർ. മിനി എന്ന കഥാപാത്രത്തിലൂടെ ശ്രദ്ധേയമായ പ്രകടനമാണ് മഹിമ ചിത്രത്തിൽ കാഴ്ചവെച്ചത്.
ഇപ്പോഴിതാ തന്റെ പേര് മാറ്റിയത് ന്യൂമറോളജി പ്രകാരമാണ് എന്ന പറഞ്ഞിരിക്കുകയാണ് മഹിമ നമ്പ്യാർ. കരിയറിൽ ഉയർച്ചയുണ്ടാവാൻ വേണ്ടിയാണ് കൂടെ നമ്പ്യാർ എന്ന് ചേർത്തതെന്നും മഹിമ വ്യക്തമാക്കി.
“എന്റെ ശരിയായ പേര് ഗോപിക എന്നാണ്. ഗോപിക പാലാട്ട് ചിറക്കര വീട്ടിൽ എന്നാണ് മുഴുവൻ പേര്. കാര്യസ്ഥനിൽ അഭിനയിക്കുന്ന സമയത്തെല്ലാം ഗോപിക എന്ന് തന്നെയായിരുന്നു പേര്. പിന്നീട് ആദ്യത്തെ തമിഴ് സിനിമ ചെയ്യുന്ന സമയത്താണ് പേര് മാറിയത്. തമിഴ് സിനിമ ഇന്റസ്ട്രിയലൊല്ലാം ഈ ന്യൂമറോളജിയൊക്കെ നോക്കുന്ന ശീലങ്ങളുണ്ട്.
അങ്ങനെ ആദ്യ തമിഴ് സിനിമ ചെയ്യുന്ന സമയത്താണ് എം എന്ന അക്ഷരം എനിക്ക് നല്ലതാണെന്ന് ആ സിനിമയുടെ പ്രൊഡ്യൂസർ പ്രഭു സോളമൻ സാർ പറയുന്നത്. അങ്ങനെയാണ് മഹിമ എന്ന് പേരിടുന്നത്. അതുകഴിഞ്ഞ ശേഷം വീണ്ടും ന്യൂമറോളജി നോക്കിയിട്ട് പറഞ്ഞു, രണ്ട് പേരുണ്ടെങ്കിൽ കരിയറിന് നല്ല വളർച്ച ഉണ്ടാവുവെന്ന്. അങ്ങനെയാണ് നമ്പ്യാർ എന്നുകൂടി ഇട്ടത്. ഇപ്പോൾ 11 വർഷമായി. ആ പേര് വന്നതിന് ശേഷം വളർച്ച ഉണ്ടായി”. എന്നാണ് ഒരു ഓൺലൈൻ മാധ്യമത്തിന് നൽകിയ അഭിമുഖത്തിൽ മഹിമ വെളിപ്പെടുത്തിയത്.
Read more
എന്നാൽ താരത്തിനെതിരെ നിരവധി വിമർശനങ്ങൾ ഉയർന്നു വരുന്നുണ്ട്. നമ്പ്യാർ എന്നത് ജാതി പേരാണെന്നും, സവർണ്ണ ജാതി പേര് കൂടെ ചേർക്കുമ്പോൾ സ്വാഭാവികമായും കിട്ടേണ്ട അവസരങ്ങൾ നേരത്തെ കിട്ടുമെന്നും വിമർശനങ്ങൾ ഉയരുന്നുണ്ട്.
