റിലീസ് ചെയ്ത് മൂന്നു ദിവസത്തിനുള്ളില്‍ പുഷ്പ സിനിമ 200 കോടിക്ക് അടുത്ത് കളക്ഷന്‍ നേടിയെന്നാണ് റിപ്പോര്‍ട്ടുകള്‍. അല്ലു അര്‍ജുന്റെ പ്രകടനത്തിനൊപ്പം ഫഹദ് ഫാസിലിന്റെ പ്രകടനവും കൈയടി നേടുകയാണ്. ചിത്രത്തില്‍ ബന്‍വര്‍ സിംഗ് ഷെഖാവത്ത് എന്ന കഥാപാത്രമായാണ് അല്ലു അര്‍ജുന്‍ വേഷമിട്ടത്.
പുഷ്പയുടെ എഴുത്ത് തുടങ്ങിയപ്പോള്‍ മുതല്‍ തന്നെ ഫഹദ് ആയിരുന്നു മനസ്സില്‍ എന്നാണ് സംവിധായകന്‍ സുകുമാര്‍ ഡൂള്‍ ന്യൂസിനോട് പറയുന്നത്. ബന്‍വറിന് വേണ്ടി മറ്റാരെയും പരിഗണിച്ചിരുന്നില്ല. പക്ഷെ ഫഹദ് ഈ റോള്‍ ചെയ്യുമോയെന്ന് അറിയില്ലായിരുന്നു. വേറെ ആരെയെങ്കിലും നോക്കണോയെന്ന് ആലോചിച്ചിരുന്നു.
എന്നാല്‍ ആദ്യത്തെ ഓപ്ഷനിലുള്ള ആളുമായി സംസാരിച്ച് പോലും നോക്കാതെ മറ്റു ഓപ്ഷന്‍സ് നോക്കുന്നത് എന്തിനാണെന്ന് അല്ലു ചോദിച്ചു. സംസാരിച്ചു നോക്കിയാലല്ലേ ഫഹദ് റോള്‍ ചെയ്യുമോ ഇല്ലയോ എന്ന് അറിയുകയുള്ളുവെന്നും പറഞ്ഞ് അല്ലു നിര്‍ബന്ധിച്ചു എന്നാണ് സുകുമാര്‍ പറയുന്നത്.
അങ്ങനെ താന്‍ ഫഹദുമായി സംസാരിച്ചു. തന്റെ അവസാന ചിത്രമായ രംഗസ്ഥലം ഏറെ ഇഷ്ടമായെന്ന് ഫഹദ് പറഞ്ഞു. അങ്ങനെ അന്നത്തെ സംസാരത്തിനൊടുവില്‍ പുഷ്പയിലെ ബന്‍വര്‍ സിംഗ് ഷെഖാവത്താകാന്‍ അദ്ദേഹം സമ്മതിച്ചുവെന്ന് സംവിധായകന്‍ വ്യക്തമാക്കി.
Read more
ഫഹദുമായി വര്‍ക്ക് ചെയ്യാന്‍ തുടങ്ങിയതോടെ അദ്ദേഹത്തോടുള്ള എന്റെ സ്‌നേഹവും ആരാധനയും വര്‍ദ്ധിച്ചു. പുഷ്പയുടെ രണ്ടാം ഭാഗത്തില്‍ ഫഹദ് നിറഞ്ഞു നില്‍ക്കും. ആ ഭാഗത്തില്‍ പ്രധാനമായും ഫഹദും അല്ലുവും മാത്രമാണുള്ളത് എന്നും സുകുമാര്‍ പറഞ്ഞു. പുഷ്പ: ദ റൈസ് എന്ന ആദ്യ ഭാഗമാണ് ഡിസംബര്‍ 17ന് റിലീസ് ചെയ്തത്.
