ബിഗ് ബോസ് ഷോയില്‍ സംസാരിക്കുമ്പോള്‍ മോഹന്‍ലാല്‍ പോലും ഒരു ഇംഗ്ലീഷ് വാക്ക് തെറ്റായാണ് പറയുന്നതെന്ന് അവതാരകയും നടിയുമായ രഞ്ജിനി ഹരിദാസ്. മാത്രമല്ല ബിഗ് ബോസ് ഹൗസില്‍ എല്ലാവരും അത് തെറ്റായാണ് ഉച്ഛരിക്കുന്നത് എന്നാണ് രഞ്ജിനി പറയുന്നത്. ജാന്‍മണിയുമായുള്ള ചാറ്റ്‌ഷോയിലാണ് രഞ്ജിനി സംസാരിച്ചത്.
ബിഗ് ബോസ് ഹൗസില്‍ ഫേവറിസമുണ്ടെന്ന് ജാന്‍മണി പറഞ്ഞപ്പോഴാണ് രഞ്ജിനി ഇടപെട്ട് സംസാരിച്ച് തുടങ്ങിയത്. ”എന്താണത് ഫേവറിസമോ..? അങ്ങനെ ഒരു വാക്ക് ഡിക്ഷ്ണറിയില്‍ ഇല്ല. ലാലേട്ടന്‍ പോലും ഫേവറിസം എന്നാണ് ഉപയോഗിക്കുന്നത്. എനിക്കതില്‍ പ്രശ്നമുണ്ട്. അത് ഫേവറിസം അല്ല… ഫേവറൈറ്റിസമാണെന്ന്”
വീണ്ടും ജാന്‍മണി ആ വാക്ക് ഉപയോഗിക്കുമ്പോള്‍ രഞ്ജിനി തിരുത്തുന്നതും വീഡിയോയില്‍ കാണാം. രഞ്ജിനിയും ഒരു ബിഗ് ബോസ് മുന്‍ മത്സരാര്‍ത്ഥിയാണ്. സീസണ്‍ ഒന്നിലാണ് രഞ്ജിനി പങ്കെടുത്തത്. ആ സീസണിലെ ഏറ്റവും ശക്തയായ മത്സരാര്‍ത്ഥിയും രഞ്ജിനി തന്നെയായിരുന്നു.
പേളി മാണിയുമായുള്ള വഴക്കിനിടെ രഞ്ജിനി പറഞ്ഞ ചില ഡയലോഗുകള്‍ ഇപ്പോഴും വൈറലാണ്. എന്നാല്‍ ഫിനാലെ വരെ എത്തും മുമ്പ് രഞ്ജിനി പുറത്തായിയിരുന്നു. അതേസമയം, ബിഗ് ബോസ് മലയാളം കുറച്ച് നാളുകളായി വാര്‍ത്തകളില്‍ തന്നെ നിറഞ്ഞു നില്‍ക്കുകയാണ്.
ബിഗ് ബോസ് സീസണ്‍ 6ലെ മത്സരാര്‍ത്ഥിയായ അഖില്‍ മാരാര്‍ പറഞ്ഞ വാക്കുകള്‍ വലിയ ചര്‍ച്ചകള്‍ക്കാണ് വഴി തെളിച്ചത്. സിബിന്‍ എന്ന മത്സരാര്‍ത്ഥിയെ ഭ്രാന്തനാക്കി ചിത്രീകരിച്ചു, ഷോയില്‍ സെലക്ട് ചെയ്യാമെന്ന് പറഞ്ഞ് സ്ത്രീകളെ പല ഹോട്ടലുകളിലേക്കും കൊണ്ട് പോയി ഉപയോഗിച്ചിട്ടുണ്ട് എന്ന് അഖില്‍ പറഞ്ഞതാണ് ചര്‍ച്ചയായത്.
