ഇന്ത്യന്‍ സിനിമയില്‍ മികച്ച വേഷങ്ങള്‍ ചെയ്ത് തിളങ്ങി നിന്ന നടിയാണ് സമീറ റെഡ്ഡി. ഇപ്പോഴിതാ ബോളിവുഡിന്റെ ഇരുണ്ട വശത്തെക്കുറിച്ച് തുറന്നു പറഞ്ഞിരിക്കുകയാണ് ഇവര്‍. കരിയറിന്റെ തുടക്കകാലത്ത് പലരും തന്നോട് ശരീരത്തില്‍ മാറ്റങ്ങള്‍ വരുത്താന്‍ ആവശ്യപ്പെട്ടിരുന്നുവെന്നും എന്നാല്‍ താന്‍ അത് നിരസിക്കുകയായിരുന്നുവെന്നും നടി പറയുന്നു.
‘ പത്ത് വര്‍ഷത്തിന് മുന്‍പ് ബോളിവുഡ് പ്ലാസ്റ്റിക് സര്‍ജറിയുടെ പിന്നാലെയായിരുന്നു. മൂക്ക് അല്ലെങ്കില്‍ അസ്ഥികളുടെ ഘടന എന്നിവ മാറ്റുന്നതിനായി ആയിരുന്നു ഇത്. എനിക്ക് നെഞ്ചില്‍ എപ്പോഴും പാഡ് കെട്ടി നടക്കേണ്ടി വന്നിട്ടുണ്ട്. ജോലിയുടെ ഭാഗമെന്നായിരുന്നു പറഞ്ഞിരുന്നത്. ഭ്രാന്തമായ ഒരു കാലഘട്ടമായിരുന്നു അത്’; സമീറ പറഞ്ഞു.
പ്ലാസ്റ്റിക് സര്‍ജറിയെ കുറിച്ച് സിനിമാ ലോകത്ത് പലരും തുറന്നുപറഞ്ഞിരുന്നതിനാല്‍ സ്തന ശസ്ത്രക്രിയ ചെയ്യാന്‍ പോലും തനിക്ക് നിര്‍ദ്ദേശം ലഭിച്ചിരുന്നുവെന്ന് സമീറ പറയുന്നു. എന്നാല്‍, ഇത് വേണോ? ഒരു നടിയെന്ന നിലയില്‍ ഇത് ചെയ്യേണ്ടതുണ്ടോ? എന്താണ് ഇതിന്റെയൊക്കെ ആവശ്യം എന്നായിരുന്നു എന്ന് ഞാന്‍ ആലോചിച്ചു. അതിന് പിന്നാലെ ഒരു തീരുമാനം തനിക്ക് എടുക്കാനായതില്‍ സന്തോഷമുണ്ടെന്നും അവര്‍ പ്രതികരിച്ചു.
Read more
എന്നാല്‍, ഇത്തരം ശസ്ത്രക്രിയകള്‍ ചെയ്യുന്നവരോട് വിരോധമൊന്നുമില്ലെന്നും സമീറ കൂട്ടിച്ചേര്‍ത്തു. അവര്‍ക്കത് സന്തോഷം നല്കുന്നുവെങ്കില്‍ അവര്‍ ജീവിക്കട്ടെ, അവരെ ജീവിക്കാന്‍ അനുവദിക്കൂ. അവരെ വിലയിരുത്താന്‍ നമ്മളാരാണ്.
