മിക്സി പൊട്ടിത്തെറിച്ച് ഗായികയും നടിയുമായ അഭിരാമി സുരേഷിന് പരിക്ക്. പാചകം ചെയ്യുന്നതിനിടെ പൊട്ടിത്തെറിച്ച മിക്സിയുടെ ബ്ലേഡ് കയ്യിൽത്തട്ടിയാണ് പരിക്കേറ്റത്.
ഫേയ്സ്ബുക്കിലൂടെയാണ് താരം അപകടത്തെ പറ്റി അറിയിച്ചത്. ചെറിയ വീഡിയോകൾ ചെയ്ത് സോഷ്യൽ മീഡിയയിൽ വീണ്ടും സജീവമാവാൻ ഒരുങ്ങുമ്പോഴാണ് തനിക്ക് ഇങ്ങനെയൊരു അപകടം നടന്നതെന്ന് അഭിരാമി പറയുന്നു.
“മിക്സി പൊട്ടിത്തെറിക്കാനുണ്ടായ കാരണം വ്യക്തമല്ല. അപകടശേഷം കുറച്ചു സമയത്തേക്ക് ഒന്നും മനസ്സിലാകാത്ത അവസ്ഥയിലായിരുന്നു. ശരിക്കുപറഞ്ഞാൽ ഒരു ബോധവും ഉണ്ടായിരുന്നില്ല. ഛർദ്ദിക്കാൻ വരുന്നപോലെയും തലകറങ്ങുന്നതുപോലെയും തോന്നി. നല്ല ആഴത്തിലുള്ള മുറിവാണ് പറ്റിയത്
ഈ അപകടമൊന്നും എന്നെ പാചകത്തിൽ നിന്നും പിന്തിരിപ്പിക്കില്ല. കുറച്ചു നാളത്തെ വിശ്രമത്തിനു ശേഷം വീണ്ടും മടങ്ങി വരും. ആരും പേടിക്കേണ്ടെന്നും വലിയ പ്രശ്നങ്ങളില്ല” അഭിരാമി വീഡിയോയിൽ പറയുന്നു.
