തിയേറ്ററുകളിൽ വിജയകരമായി പ്രദർശനം തുടരുകയാണ് കാർത്തിക് സുബ്ബരാജ് സംവിധാനം ചെയ്ത ‘ജിഗർതാണ്ട ഡബിൾ എക്സ്’. രാഘവ ലോറൻസും എസ്. ജെ സൂര്യയുമാണ് ചിത്രത്തിലെ പ്രധാന കഥാപാത്രങ്ങൾ.
നിരവധി പ്രേക്ഷക- നിരൂപക പ്രശംസകളാണ് ചിത്രത്തിന് കിട്ടികൊണ്ടിരിക്കുന്നത്. സംവിധായകൻ ശങ്കർ, ധനുഷ് എന്നിവർ ചിത്രത്തെ പ്രശംസിച്ച് നേരത്തെ രംഗത്തുവന്നിരുന്നു.
ഇപ്പോഴിതാ നിർമ്മാതാവ് വിഗ്നേശ് ശിവൻ ചിത്രത്തെ പ്രശംസിച്ച് രംഗത്തെത്തിയിരിക്കുകയാണ്. അതിശയകരമായ കലാസൃഷ്ടി എന്നാണ് വിഗ്നേശ് ശിവൻ ചിത്രത്തെ പറ്റി പറയുന്നത്. ചിത്രത്തിലെ സിനിമാറ്റോഗ്രഫിയെയും വിഗ്നേശ് പ്രശംസിക്കുന്നുണ്ട്. കൂടാതെ രാഘവ ലോറൻസ്, എസ്. ജെ സൂര്യ എന്നിവരുടെ പ്രകടനത്തെയും സന്തോഷ് നാരായണന്റെ സംഗീതത്തെയും വിഗ്നേശ് അഭിനന്ദിക്കുന്നു. ഇതുപോലെയുള്ള മികച്ച കലാസൃഷ്ടികൾ കൊണ്ട് ഞങ്ങളെ എന്നും അതിശയപ്പെടുത്തണമെന്നും വിഗ്നേശ് പറയുന്നു. സോഷ്യൽ മീഡിയ പ്ലാറ്റ്ഫോമായ എക്സിലാണ് വിഗ്നേശ് പോസ്റ്റ് പങ്കുവെച്ചിരിക്കുന്നത്.
What a stunning piece of ART from @karthiksubbaraj ! The finesse in his film making has peaked in Jigarthanda double X ! The conviction in writing , the efforts in the execution with a genius Cinematographer in Thiru sir ! What they have pulled off is highly appreciable and is… pic.twitter.com/ZbfZrGvPfT
— VigneshShivan (@VigneshShivN) November 13, 2023
Read more
മലയാളത്തിൽ നിന്നും നിമിഷ സജയനും ഷൈൻ ടോം ചാക്കോയും ചിത്രത്തിൽ പ്രധാന വേഷത്തിലെത്തുന്നുണ്ട്. ഫൈവ് സ്റ്റാര്‍ ക്രിയേഷന്‍സ്ന്റെയും സ്റ്റോണ്‍ ബെഞ്ച് ഫിലിംസ്ന്റെയും ബാനറില്‍ കാര്‍ത്തികേയന്‍ സന്താനവും കതിരേശനും ചേര്‍ന്നാണ് ചിത്രം നിർമ്മിച്ചിരിക്കുന്നത്. ദുല്‍ഖര്‍ സല്‍മാന്റെ വേഫെയറര്‍ ഫിലിംസ് ആണ് കേരളത്തില്‍ ചിത്രം വിതരണം ചെയ്യുന്നത്.
