ബോളിവുഡിന് പുറമെ തെന്നിന്ത്യൻ സിനിമകളിലും സജീവമാണ് വിവേക് ഒബ്റോയി. ഇപ്പോഴിതാ ജീവിതത്തിൽ താൻ നേരിട്ട പ്രതിസന്ധികളെ കുറിച്ച് സംസാരിക്കുകയാണ് വിവേക് ഒബ്റോയി.
സമ്മർദ്ദവും മാനസിക പിരിമുറുക്കവും കാരണം ജീവിതത്തിന്റെ നല്ലൊരു സമയമാണ് താൻ നഷ്ടപ്പെടുത്തിയതെന്നാണ് വിവേക് ഒബ്റോയി പറയുന്നത്. കരിയർ അവസാനിച്ചെന്ന് പലരും പറഞ്ഞപ്പോൾ ജീവിതത്തിലാദ്യമായി അടക്കാനാവാത്ത മാനസിക സമ്മർദത്തിലായെന്നും താരം പറയുന്നു.
“സമ്മർദ്ദവും മാനസിക പിരിമുറുക്കവും കാരണം എന്റെ നല്ലൊരു സമയമാണ് ഞാൻ നഷ്ടപ്പെടുത്തിയത്. ഒരുപാട് പ്രശ്നങ്ങൾ തുടർച്ചയായി വന്നപ്പോൾ വിഷാദത്തിലാവുകയും മാനസികമായി ആകെ തകരുകയുംചെയ്തു. എന്റെ കരിയർ അവസാനിച്ചെന്ന് പലരും പറഞ്ഞപ്പോൾ ജീവിതത്തിലാദ്യമായി അടക്കാനാവാത്ത മാനസിക സമ്മർദത്തിലായി.
Read more
ഞാൻ തുടങ്ങിയല്ലേയുള്ളൂ, അത്ര പെട്ടന്ന് എങ്ങനെയാണ് എല്ലാം അവസാനിക്കുകയെന്നാണ് ഞാൻ ചിന്തിച്ചത്. എന്നാൽ ദൈവം സഹായിച്ച് ഇഷ്ടംപോലെ അവസരങ്ങൾ ലഭിക്കുന്നുണ്ട്. അതേസമയം എനിക്ക് ചേരാത്തതെന്ന് തോന്നുന്നതോ നടനെന്ന നിലയിൽ വെല്ലുവിളി ഉയർത്താത്തതോ ആയ വേഷങ്ങൾ നിരസിക്കേണ്ടിവരാറുമുണ്ട്.” എന്നാണ് ഒരു ബോളിവുഡ് മാധ്യമത്തിന് നൽകിയ അഭിമുഖത്തിൽ വിവേക് ഒബ്റോയ് പറഞ്ഞത്.
