മോഹന്‍ലാല്‍ ആദ്യമായി സംവിധാനം ചെയ്ത ബറോസില്‍ പൃഥ്വിരാജ് സുകുമാരന്‍ നടനായും എത്തേണ്ടതായിരുന്നു. ബറോസിന്റെ ആദ്യ ഷെഡ്യൂളില്‍ പൃഥ്വിരാജ് അഭിനയിക്കുകയും ചെയ്തതാണ്. എന്നാല്‍ കോവിഡ് പ്രതിസന്ധി മൂലം ഷൂട്ടിംഗ് മുടങ്ങിയതോടെ ഈ ചിത്രം മാസങ്ങള്‍ക്കു ശേഷം ആദ്യം മുതല്‍ ആരംഭിക്കേണ്ടി വന്നു.
പിന്നാലെ പൃഥ്വിരാജ് ചിത്രത്തില്‍ നിന്ന് പിന്മാറി. അതിനുള്ള കാരണം ക്ലബ് എഫ് എമ്മിന് നല്‍കിയ അഭിമുഖത്തിലാണ് പൃഥ്വിരാജ് വെളിപ്പെടുത്തിയത്. മോഹന്‍ലാല്‍ ഒരുക്കുന്ന ബറോസ് എന്ന ത്രീഡി ചിത്രത്തില്‍ നിന്ന് പിന്മാറേണ്ടി വന്നത്, തന്നെ വളരെയധികം വിഷമിപ്പിച്ചു ഒരു തീരുമാനമായിരുന്നു എന്നാണ് പൃഥ്വിരാജ് പറയുന്നത്.
Read more
ബ്ലെസ്സിയുടെ ആട് ജീവിതം ഷൂട്ടിംഗ് ഉള്ളത് കൊണ്ടാണ് തനിക്ക് പിന്മാറേണ്ടി വന്നതെന്നും, ബറോസില്‍ ജോലി ചെയ്തിരുന്നെങ്കില്‍ ത്രീഡി ചിത്രം ഒരുക്കുന്നതിനെ കുറിച്ച് ഒരുപാട് പഠിക്കാമായിരുന്നു എന്നും പൃഥ്വിരാജ് വെളിപ്പെടുത്തി. ആ ചിത്രത്തില്‍ തുടര്‍ന്നും ജോലി ചെയ്യാന്‍ സാധിക്കാതെ പോയത് വലിയൊരു നഷ്ടം തന്നെയാണെന്നും അദ്ദേഹം കൂട്ടിച്ചേര്‍ത്തു.
