പക്ഷാഘാതത്തെത്തുടര്‍ന്ന് കൊല്‍ക്കത്തയിലെ ആശുപത്രിയില്‍ പ്രവേശിപ്പിച്ച ബംഗാളി നടി ഐന്ദ്രില ശര്‍മ അന്തരിച്ചെന്ന് റിപ്പോര്‍ട്ട. ഞായറാഴ്ച ഉച്ചയ്ക്ക് 12.59ന് ആണ് നടി വിടവാങ്ങിയതെന്ന് റിപ്പോര്‍ട്ടുകള്‍ സൂചിപ്പിക്കുന്നു.24 കാരിയായ നടിക്ക് ഇന്ന് രാവിലെ ഒന്നിലധികം തവണ ഹൃദയസ്തംഭനം ഉണ്ടായെന്നും സിപിആര്‍ നല്‍കി എങ്കിലും ജീവന്‍ രക്ഷിക്കാന്‍ ആയില്ലെന്നും റിപ്പോര്‍ട്ടുണ്ട് .
രണ്ട് തവണ അര്‍ബുദത്തെ അതിജീവിച്ച താരമാണ് ഐന്ദ്രില. ഝുമുര്‍ പരിപാടിയിലൂടെ ടിവിയില്‍ അരങ്ങേറ്റം കുറിച്ച അവര്‍ ജിബോണ്‍ ജ്യോതി, ജിയോന്‍ കത്തി തുടങ്ങിയ ഷോകളില്‍ എത്തിയിരുന്നു.
പക്ഷാഘാതത്തെ തുടര്‍ന്ന് നവംബര്‍ ഒന്നിനാണ് നടിയെ വീണ്ടും ആശുപത്രിയില്‍ പ്രവേശിപ്പിച്ചത്. ഐന്ദ്രിലയെ ഉടന്‍ തന്നെ OT യിലേക്ക് മാറ്റുകയും അക്യൂട്ട് സബ്ഡ്യൂറല്‍ ബ്ലീഡ് റിമൂവലിനൊപ്പം ലെഫ്റ്റ് ഫ്രോണ്ടൊടെമ്പോപാരിയറ്റല്‍ ഡികംപ്രസീവ് ക്രാനിയോടോമിക്ക് വിധേയയാക്കുകയും ചെയ്തിരുന്നു.
ബംഗാളി പ്രേക്ഷകര്‍ക്ക് പരിചിതമായ മുഖമാണ് ഐന്ദ്രില. ‘ജുമുര്‍’ എന്ന ടിവി ഷോയിലൂടെ ഷോബിസിലേക്ക് ചുവടുവെച്ച ശേഷം, ‘ജിയോന്‍ കത്തി’, ‘ജിബോണ്‍ ജ്യോതി’ തുടങ്ങി നിരവധി ജനപ്രിയ സീരിയലുകളിലും തിളങ്ങിയിട്ടുണ്ട്.
Read more
ഡിജിറ്റല്‍ മീഡിയത്തിലേക്കും ചുവടുവെച്ച അവര്‍ അടുത്തിടെ ‘ഭാഗര്‍’ എന്ന വെബ് സീരീസ് ചെയ്തു, പിന്നീടാണ് അസുഖ ബാധിത ആകുന്നത്. ഐന്ദ്രില ശര്‍മ്മയുടെ മടങ്ങിവരവിനായി ആരാധകര്‍ പ്രാര്‍ത്ഥനയില്‍ ആയിരുന്നു. എന്നാല്‍ നടിയുടെ മരണവാര്‍ത്ത അറിഞ്ഞ ഞെട്ടലില്‍ ആണ് ആരാധകര്‍.
