അനൂപ് സത്യന്‍ ഒരുക്കിയ വരനെ ആവശ്യമുണ്ട് എന്ന ചിത്രം സൂപ്പര്‍ ഹിറ്റായി നിറഞ്ഞ സദസ്സില്‍ പ്രദര്‍ശനം തുടരുകയാണ്. പ്രേക്ഷകരുടെ അഭിനന്ദനവും കയ്യടിയും നേടിയെടുക്കുന്ന ചിത്രത്തിലെ ശ്രദ്ധേയമായ ഒരു രംഗത്തെ കുറിച്ചു സംസാരിക്കുകയാണ് അനൂപ് സത്യന്‍.
ഉര്‍വശിയും ചേച്ചിയും കല്യാണിയും അവതരിപ്പിക്കുന്ന കഥാപാത്രങ്ങള്‍ വേര്‍പിരിയുന്ന സീനാണ് പലരും എടുത്തു പറയുന്നത് എന്നും ആ സീന്‍ എടുത്തപ്പോള്‍ സെറ്റില്‍ പത്തുപേരെങ്കിലും കരഞ്ഞിട്ടുണ്ടാകും എന്നുമാണ് അനൂപ് സത്യന്‍ വെളിപ്പെടുത്തുന്നത്. വളരെ വൈകാരികമായ ഒരു രംഗമായിരുന്നു അത്.
ഒരു ഹോട്ടലില്‍ വെച്ചാണ് ആ രംഗം ഷൂട്ട് ചെയ്തിരിക്കുന്നത്. കല്യാണിയും ഉര്‍വശിയും അതിമനോഹരമായാണ് ആ രംഗത്തില്‍ അഭിനയിച്ചിരിക്കുന്നത്.
സുരേഷ് ഗോപിയും ശോഭനയും ഏറെക്കാലത്തിന് ശേഷം ഒരുമിച്ച് അഭിനയിക്കുന്ന എന്നത് തന്നെയാണ് വരനെ ആവശ്യമുണ്ട് എന്ന സിനിമയുടെ ഏറ്റവും വലിയ ഹൈലൈറ്റ്. ഇവര്‍ക്കൊപ്പം ദുല്‍ഖര്‍ സല്‍മാനും കല്യാണി പ്രിയദര്‍ശനും ജോഡികളായി എത്തുന്നു. ദുല്‍ഖര്‍ സല്‍മാന്റെ പ്രൊഡക്ഷന്‍ കമ്പനിയായ വേഫെയറര്‍ ഫിലിംസാണ് ചിത്രം നിര്‍മ്മിച്ചിരിക്കുന്നത്.
Read more
ലാലു അലക്‌സ്, കെപിഎസി ലളിത, ഉര്‍വ്വശി, സംവിധായകരായ മേജര്‍ രവി, ലാല്‍ ജോസ്, ജോണി ആന്റണി എന്നിവരും സന്ദീപ് രാജ്, വഫാ ഖദീജ, ദിവ്യ മേനോന്‍ അഹമ്മദ്, മീര കൃഷ്ണന്‍ എന്നിവര്‍ക്കൊപ്പം സൗബിന്‍ ഷാഹിറും അതിഥി വേഷത്തിലെത്തുന്നു.
