വൈറലായ ബോട്ടില്‍ കാപ് ചാലഞ്ചിനെ താരങ്ങളെല്ലാം ഏറ്റെടുത്തിരിക്കുകയാണ് . മലയാള താരങ്ങളായ നീരജ് മാധവ്, ഉണ്ണിമുകുന്ദന്‍, വിനയ് ഫോര്‍ട്ട് തുടങ്ങിയ പല യുവതാരങ്ങളും ഈ വെല്ലുവിളി സ്വീകരിച്ചു കഴിഞ്ഞു. ഇപ്പോഴിതാ ബോട്ടില്‍ കാപ് ചലഞ്ചുമായി ബന്ധപ്പെട്ട് ഏറ്റവും രസകരമായ വിഡിയോ പങ്കുവെച്ചിരിക്കുന്നത് നടന്‍ അപ്പാനി ശരത്താണ്.
ചാലഞ്ചില്‍ പങ്കെടുത്ത് കുപ്പിയുടെ അടപ്പ് അടിച്ചു തെറിപ്പിക്കുന്നതിനു പകരം കുപ്പി തന്നെ അടിച്ചു പൊട്ടിച്ചുകൊണ്ടാണ് ശരത്തിന്റെ പ്രകടനം. കുപ്പിപൊട്ടുന്നത് കണ്ട് പേടിക്കുന്ന ശരത്തിനേയും വിഡിയോയില്‍ കാണാം
“തോട്ട പൊട്ടിച്ച എന്നോടാണ്…ദാ കിടക്കുന്നു ….ആക്ഷന്‍ പറഞ്ഞാല്‍ ഞാന്‍ വെളിച്ചപാടാ, പ്ലാസ്റ്റിക് കുപ്പി അത്യുത്തമം…” എന്ന കുറിപ്പോടെയാണ് ശരത് വിഡിയോ ഷെയര്‍ ചെയ്തിരിക്കുന്നത്.
