നടന് അരിസ്റ്റോ സുരേഷിന് ദേഹാസ്വാസ്ഥ്യം. മൂവാറ്റുപുഴയില്‍ നടന്ന സിനിമയുടെ പ്രമോഷന്‍ പരിപാടിക്കിടെയാണ് നടന് ദേഹാസ്വാസ്ഥ്യം സംഭവിച്ചത്. ജനുവരി മൂന്നിന് റിലീസ് ചെയ്യാനിരിക്കുന്ന ‘മിസ്റ്റര്‍ ബംഗാളി’ എന്ന സിനിമയുടെ പ്രമോഷനായാണ് നടന് മൂവാറ്റുപുഴയില്‍ എത്തിയത്. ഉടന്‍ തന്നെ അദ്ദേഹത്തെ കൂടെ നിന്നവര്‍ ചേര്‍ന്ന് താങ്ങി എടുത്തു.
മൂവാറ്റുപുഴയിലെ സ്വകാര്യ ആശുപത്രിയില്‍ ചികിത്സ തേടിയ അരിസ്റ്റോ സുരേഷ് പിന്നീട് കൊച്ചിയിലേക്ക് തിരിച്ചു. അരിസ്റ്റോ സുരേഷ് ആദ്യമായി നായകനാവുന്ന സിനിമയാണ് മിസ്റ്റര്‍ ബംഗാളി. ബംഗാളിയായിട്ടാണ് ചിത്രത്തില്‍ നടന് അഭിനയിക്കുന്നത്. അരിസ്റ്റോ സുരേഷിനൊപ്പം യൂട്യൂബറും നിര്‍മ്മാതാവും സംവിധായകനുമായ ജോബി വയലുങ്കലും ഒരു പ്രധാന വേഷത്തില്‍ എത്തുന്നുണ്ട്.
മമ്മൂട്ടി ഫാന്‍ ആയ വ്യക്തി കൂടിയാണ് കഥാനായകന്‍. കൊല്ലം തുളസി, ബോബന്‍ ആലുംമൂടന്‍, വിഷ്ണുപ്രസാദ്, യവനിക ഗോപാലകൃഷ്ണന്‍, സജി വെഞ്ഞാറമൂട്, ഷാജി മാവേലിക്കര, വിനോദ്, ഹരിശ്രീ മാര്‍ട്ടിന്‍, സുമേഷ്, കൊല്ലം ഭാസി എന്നിവര്‍ക്കൊപ്പം മറ്റ് അഭിനേതാക്കളും ചിത്രത്തില്‍ അഭിനയിക്കുന്നുണ്ട്.
വള്ളുവനാടന്‍ ഫിലിംസുമായി ചേര്‍ന്ന് വയലുങ്കല്‍ ഫിലിംസാണ് ചിത്രം തിയേറ്ററുകളില്‍ എത്തിക്കുന്നത്. സംവിധായകന്‍ കൂടിയായ ജോബി വയലുങ്കലിന്റേതാണ് ചിത്രത്തിന്റെ കഥ. ചിത്രത്തിന്റെ തിരക്കഥ, സംഭാഷണം എന്നിവ ഒരുക്കിയത് സംവിധായകനും ധരനും ചേര്‍ന്നാണ്.
