സിനിമാ, സീരിയല്‍ താരം താരാ കല്യാണിന്റെയും രാജാറാമിന്റെയും മകള്‍ സൗഭാഗ്യയും അര്‍ജുന്‍ സോമശേഖരും തമ്മിലുള്ള വിവാഹം കഴിഞ്ഞ ദിവസം നടന്നിരുന്നു. ഗുരുവായൂര്‍ ക്ഷേത്രത്തില്‍ വെച്ചായിരുന്നു ചടങ്ങുകള്‍. വിവാഹത്തലേന്നത്തെ ചടങ്ങില്‍ അര്‍ജുന്‍ സൗഭാഗ്യയെ കുറിച്ച സംസാരിച്ച കാര്യങ്ങള്‍ ഇതിനോടകം ശ്രദ്ധ നേടിയിരിക്കുകയാണ്. ബൈക്കിനോടും വളര്‍ത്തുനായകളോടുമുള്ള തന്റെ ഇഷ്ടവും പാഷനും സൗഭാഗ്യയ്ക്കുമുണ്ടെന്നാണ് അര്‍ജുന്‍ പറയുന്നത്.
“പാര്‍ട്ണറെ കുറിച്ച് ആലോചിക്കുമ്പോഴെല്ലാം ബൈക്ക് ക്രേസ് ഉള്ളൊരു ആളാവണം എന്നെനിക്കുണ്ടായിരുന്നു. ഇപ്പോള്‍ സൗഭാഗ്യയെ കണ്ടതില്‍ പിന്നെ എനിക്കു ബൈക്ക് മടുത്തു, എനിക്കൊന്നു കാറില്‍ പോവാന്‍ പറ്റണില്ല. എവിടെ പോവണമെങ്കിലും മഴയായാലും വെയിലായാലും സൗഭാഗ്യയ്ക്ക് ബൈക്ക് മതി. ഇപ്പോള്‍ രണ്ടു ബൈക്കായി, അതിനെല്ലാം ജിംജിം അടിക്കുന്ന ഒരു അമ്മയുമാണ് എനിക്കുള്ളത്.”
Read more
“എന്റെ മറ്റൊരിഷ്ടം പെറ്റുകളോടാണ്. ഒരു പെറ്റ് ഭ്രാന്തനാണ് ഞാന്‍. ഫൈറ്റ് ചെയ്താണ് ഒരു പട്ടിയെ വളര്‍ത്താന്‍ ഉള്ള അനുവാദം വീട്ടില്‍ നിന്നു വാങ്ങിയത്. ഒരു പട്ടിയെ വളര്‍ത്തി സന്തോഷമായി ജീവിച്ചുകൊണ്ടിരുന്ന എനിക്ക് ഏഴു പട്ടിയെ വളര്‍ത്തുന്ന പെണ്ണിനെയാണ് കിട്ടിയത്. ഞങ്ങള്‍ക്ക് രണ്ടാള്‍ക്കും കൂടി ഇപ്പോള്‍ ഒരു ഒമ്പത് പട്ടികളുണ്ട്.” അര്‍ജുന്റെ വാക്കുകള്‍ പൊട്ടിച്ചിരിയോടെയാണ് സൗഭാഗ്യയും സദസ്സും കേട്ടത്.
