നടന്‍ ആര്യയ്ക്കും സയേഷക്കും പെണ്‍കുഞ്ഞ് പിറന്നു. ആര്യയുടെ അടുത്ത സുഹൃത്തും തമിഴ് നടനുമായ വിശാല്‍ ആണ് ഈ സന്തോഷവാര്‍ത്ത ട്വിറ്ററിലൂടെ ആരാധകരുമായി പങ്കുവച്ചത്.
“”ഈ വാര്‍ത്ത പുറത്ത് വിടുന്നതില്‍ വളരെ വളരെ സന്തോഷം. അമ്മാവനായതില്‍ അഭിമാനം, എന്റെ സഹോദരന്‍ ജാമിയ്ക്കും സയേഷയ്ക്കും പെണ്‍കുഞ്ഞ് ജനിച്ചിരിക്കുന്നു, പറഞ്ഞറിയിക്കാനാവാത്ത സന്തോഷത്തിലാണ് ഈ ഷൂട്ടിനിടയില്‍. അവര്‍ക്ക് എല്ലാവിധ ആശംസകളും നേരുന്നു”” എന്നാണ് വിശാലിന്റെ ട്വീറ്റ്.
So Happy to break this news,great to be an Uncle,my Bro Jammy & Sayyeshaa r blessed wit a #BabyGirl,uncontrollable emotions rite now in midst of shoot.Always wish de best 4 dem,Inshallah,GB de new Born,my Baby Girl @sayyeshaa & @arya_offl for taking a new responsibility as a Dad
— Vishal (@VishalKOfficial) July 23, 2021
2019 മാര്‍ച്ചിലാണ് ആര്യയും സയ്യേഷയും വിവാഹിതരായത്. സന്തോഷ് സംവിധാനം ചെയ്ത ഗജിനികാന്ത് എന്ന ചിത്രത്തിലാണ് ആര്യയും സയേഷയും ആദ്യമായി ഒന്നിച്ച് അഭിനയിച്ചത്. ചിത്രത്തിന്റെ സെറ്റില്‍ വച്ചാണ് ഇരുവരും പ്രണയത്തിലാവുന്നതും വിവാഹിതരാകാന്‍ തീരുമാനിക്കുന്നതും.
Read more
ശക്തി സൗന്ദര്‍ രാജന്‍ സംവിധാനം ചെയ്ത ടെഡ്ഡി ആണ് സയേഷയും ആര്യയും ഒടുവില്‍ ഒന്നിച്ച് അഭിനയിച്ച ചിത്രം. കന്നഡ ചിത്രം യുവരത്‌ന എന്നിവയാണ് സയേഷ ഒടുവില്‍ വേഷമിട്ട ചിത്രം. സാര്‍പ്പട്ട പരമ്പരൈ ആണ് ആര്യയുടെതായി അടുത്തിടെ പുറത്തിറങ്ങിയ ചിത്രം.
