ജെയിംസ് കാമറൂണ്‍ ചിത്രം ‘അവതാര്‍ 2’ രണ്ടാം ദിനവും നേടിയത് കോടികള്‍. 45 കോടി രൂപയാണ് ചിത്രം കളക്ട് ചെയ്തത് . ഉടന്‍ തന്നെ അവതാര്‍ 100 കോടി ക്ലബ്ബില്‍ ഉടനെ പ്രവേശിക്കും എന്ന് അനലിസ്റ്റുകള്‍ അറിയിച്ചു. നൈസാം, ആന്ധ്ര, കേരളം എന്നിവിടങ്ങളില്‍ ആദ്യ ദിവസം തന്നെ ചിത്രത്തിന് വന്‍ വരവേല്‍പ്പാണ് ലഭിച്ചത്. ‘അവഞ്ചര്‍സ് എന്‍ഡ് ഗെയിം’ ആണ് ആദ്യ ദിന കളക്ഷനില്‍ ഇതുവരെ ഇന്ത്യയില്‍ ഒന്നാമത്.
Also read
ഇന്ത്യയില്‍ നിന്ന് മാത്രം 1.84 ലക്ഷത്തോളം ടിക്കറ്റുകളാണ് റീലിസിന് മുന്‍പ് തന്നെ വിറ്റുപോയതെന്ന് റിപ്പോര്‍ട്ടുകളുണ്ട്. പതിമൂന്ന് വര്‍ഷങ്ങള്‍ക്ക് ശേഷം ‘അവതാറി’ന്റെ രണ്ടാം ഭാഗം എത്തുമ്പോള്‍ പ്രേക്ഷകര്‍ ഏറെ ആകാംഷയോടും ആവേശത്തോടും കൂടിയാണ് ചിത്രത്തെ സ്വീകരിച്ചത്. ഇന്ത്യയില്‍ ഇംഗ്ലീഷ്, ഹിന്ദി, തമിഴ്, മലയാളം, കന്നഡ എന്നിങ്ങനെ ആറ് ഭാഷകളിലാണ് ചിത്രം റിലീസ് ചെയ്തത്.
Read more
സാം വെര്‍ത്തിങ്ടണ്‍, സോയി സാല്‍ഡാന, സ്റ്റീഫന്‍ ലാങ്, സിഗേര്‍ണ്ണി വീവര്‍ എന്നിവര്‍ക്കൊപ്പം കേറ്റ് വിന്‍സ്ലറ്റും ചിത്രത്തില്‍ പ്രധാനകഥാപാത്രത്തെ അവതരിപ്പിക്കുന്നു. നീണ്ട 23 വര്‍ഷങ്ങള്‍ക്കുശേഷമാണ് കേറ്റ് വിന്‍സ്ലറ്റ് കാമറൂണിനൊപ്പം സിനിമചെയ്യുന്നത്.
