ബിഗില്‍ റീലീസ് ചെയ്യാന്‍ വൈകിയെന്ന പേരില്‍ തിയ്യേറ്റര്‍ തല്ലി തകര്‍ത്ത സംഭവത്തില്‍ കടുത്ത വിമര്‍ശനവുമായി നടി കസ്തൂരി. വിജയിനെ നായകനാക്കി അറ്റ്ലി സംവിധാനം ചെയ്ത ബിഗില്‍ ദിപാവലിയുടെ ഭാഗമായി കഴിഞ്ഞ ദിവസമാണ് പുറത്തിറങ്ങിയത്.
ചിത്രത്തിന്റെ പ്രദര്‍ശനം വൈകിയെന്ന പേരില്‍ ഒരുകൂട്ടം യുവാക്കള്‍ കൃഷ്ണഗിരിയിലെ ഒരു തിയ്യേറ്റര്‍ തല്ലി തകര്‍ത്തിരുന്നു. സംഭവം സാമൂഹിക മാധ്യമങ്ങളില്‍ വലിയ ചര്‍ച്ചയായതോടെ പ്രതികരണവുമായി രംഗത്ത് വന്നിരിക്കുകയാണ് കസ്തൂരി.
വിജയിനോട് വിരോധമുള്ളവരാണ് ഇത് ചെയ്തതെന്ന് വാദിച്ചോളൂ, പക്ഷേ സത്യം എല്ലാവര്‍ക്കും അറിയാം. യാഥാര്‍ഥ ആരാധകര്‍ ഒരിക്കലും അവരുടെ ബിംബത്തിന് കോട്ടം തട്ടുന്ന പ്രവൃത്തികള്‍ ചെയ്യുകയില്ല.
“അക്രമികളുടെ കൂട്ടത്തില്‍ സ്ത്രീകളും കുട്ടികളും മുതിര്‍ന്നവരുമില്ല. ഇതെല്ലാം ചെയ്തത് യുവാക്കള്‍. ഇതാണോ തമിഴ്നാട്ടിലെ യുവാക്കളുടെ ഭാവി”- കസ്തൂരി ട്വീറ്റ് ചെയ്തു. കസ്തൂരിയുടെ പ്രതികരണം സാമൂഹിക മാധ്യമങ്ങളില്‍ വലിയ ചര്‍ച്ചയാണ് സൃഷ്ടിച്ചിരിക്കുന്നത്. ഒട്ടനവധിപേരാണ് നടിയെ പിന്തുണച്ചും വിമര്‍ശിച്ചും രംഗത്ത് വന്നിരിക്കുന്നത്.
Whatever records #bigil goes on to create, It will always be remembered for the vandalism displayed today. We may give excuses, claim it was the work of haters, but heart of heart we know the truth. True fans must never let ANYONE bring shame to their idol. #Krishnagiri 😢 pic.twitter.com/8zamT5dViR
— Kasturi Shankar (@KasthuriShankar) October 25, 2019
Read more
