സാമൂഹിക പ്രസക്തിയുള്ള വിഷയങ്ങളുമായി എത്തിയ “പൂഴിക്കടകന്‍” മികച്ച പ്രതികരണങ്ങളുമായി പ്രദര്‍ശനം തുടരുകയാണ്. ചെമ്പന്‍ വിനോദ് ജോസും ജയസൂര്യയും ഒന്നിച്ച ചിത്രത്തില്‍ തമിഴ്, തെലുങ്ക് താരം ധന്യ ബാലകൃഷ്ണന്‍ ആണ് നായികയായി എത്തിയത്. തന്റെ കരിയറിലെ ഏറ്റവും വ്യത്യസ്തമായ കഥാപാത്രമാണ് പൂഴിക്കടകനിലെ അന്ന എന്നാണ് താരം ഒരു അഭിമുഖത്തിനിടെ വെളിപ്പെടുത്തിയത്.
“”ചെമ്പന്‍ സാര്‍ സൂപ്പര്‍ ടാലന്റഡ് ആക്ടര്‍ ആണ്. ഷോട്ടിനിടെ നന്നായി സഹായിച്ചു. ഒരുമിച്ചുള്ള സീനുകളില്‍ നിര്‍ദേശങ്ങള്‍ തന്ന് പിന്തുണച്ചു. ആദ്യമായാണ് ഏറെ വ്യത്യസ്തമായ ഒരു കഥാപാത്രത്തെ അവതരിപ്പിക്കുന്നത്”” എന്നും ധന്യ വ്യക്തമാക്കി. ഹവില്‍ദാര്‍ സാമുവല്‍ ജോണ്‍ എന്ന കഥാപാത്രമായാണ് ചെമ്പന്‍ വിനോദ് ചിത്രത്തിലെത്തുന്നത്.
Read more
അലന്‍സിയര്‍, വിജയ് ബാബു, ബാലു വര്‍ഗീസ്, സുധി കോപ്പ, ബിജു സോപാനം, കോട്ടയം പ്രദീപ്, സെബി ജോര്‍ജ്, മാല പാര്‍വതി, ഐശ്വര്യ ഉണ്ണി തുടങ്ങിയവരാണ് മറ്റ് അഭിനേതാക്കള്‍. നവാഗതനായ ഗിരീഷ് നായര്‍ സംവിധാനം ചെയ്ത ചിത്രം ഇവാബ് പ്രൊഡക്ഷന്‍സിന്റെ ബാനറില്‍ സാം, നൗഫല്‍ എന്നിവര്‍ ചേര്‍ന്നാണ് നിര്‍മ്മിച്ചിരിക്കുന്നത്.
