തെന്നിന്ത്യൻ സിനിമയിൽ ലോകേഷ് കനകരാജ് എന്ന സംവിധായകൻ തന്റെ സ്ഥാനം അടയാളപ്പെടുത്തിയ സിനിമയായിരുന്നു കാർത്തി നായകനായയെത്തിയ ‘കൈതി’. ഇന്ന് ഏറെ ചർച്ചചെയ്യപ്പെടുന്ന ലോകേഷ് സിനിമാറ്റിക് യൂണിവേഴ്സിന്റെ തുടക്കം അവിടെ നിന്നുമാണ്. കൈതി എന്ന ഒരൊറ്റ സിനിമകൊണ്ട് ലോകേഷ് കനകരാജ് സിനിമ പ്രേക്ഷകർക്കിടയിൽ ഉണ്ടാക്കിയെടുത്ത ഓളം ചെറുതല്ല.
കൈതി റിലീസ് ചെയ്തിട്ട് ഇപ്പോൾ നാല് വർഷം തികഞ്ഞിരിക്കുകയാണ്. കൈതിക്ക് രണ്ടാം ഭാഗം ഉണ്ടാവുമെന്ന് സിനിമ ഇറങ്ങിയ സമയത്തുതന്നെ ഉറപ്പായ കാര്യമായിരുന്നു. എന്നാൽ അതിനിടയിൽ എൽസിയു കണക്ഷനുള്ള വിക്രം, ലിയോ എന്നീ സിനിമകൾ പുറത്തിറങ്ങി. ഈ രണ്ടു സിനിമകളിലും കൈതി റഫറൻസുകൾ നിരവധിയാണ്. അതുകൊണ്ട് തന്നെ കൈതി 2 നു വേണ്ടി പ്രതീക്ഷയോടെ കാത്തിരിക്കുകയാണ് ആരാധകർ’
ഇപ്പോഴിതാ സിനിമയുടെ രണ്ടാം ഭാഗവുമായി ബന്ധപ്പെട്ട് ഒരു പ്രധാന അപ്ഡേറ്റ് പുറത്തുവിട്ടിരിക്കുകയാണ് അണിയറ പ്രവർത്തകർ. കൈതിയുടെ ബിഹൈൻഡ് ദി സീൻസ് വീഡിയോയിലാണ് ‘ദില്ലി വിൽ റിട്ടേൺ’ എന്ന് പറഞ്ഞിരിക്കുന്നത്.
കൈതി 2 കൂടാതെ റോളക്സ്- എ സ്റ്റാർഡ് എലോൺ, വിക്രം 2 എന്നീ സിനിമകളാണ് എൽസിയുവിൽ നിന്നും ഇനി പുറത്തുവരാനുള്ളത്. പുറത്തിറങ്ങിയ ഏറ്റവും പുതിയ ചിത്രം ലിയോയുടെ രണ്ടാം വരുമോ എന്നും സ്ഥിതീകരണമായിട്ടില്ല.
Read more
എന്തായാലും ദില്ലിയുടെ കൂടുതൽ വിവരങ്ങൾ വരും ദിവസങ്ങളിൽ പുറത്തുവരുമമെന്നാണ് അറിയാൻ കഴിഞ്ഞത്.
