മോഹന്‍ലാലിന്റെ പിറന്നാള്‍ ദിനമായിരുന്നു ഇന്നലെ. പിറന്നാള്‍ ദിനത്തില്‍ മോഹന്‍ലാലിന് ആശംസകള്‍ നേര്‍ന്ന പൃഥ്വി ആരാധകര്‍ക്കായും ഒരു സമ്മാനം കരുതി വെച്ചിരുന്നു. തന്റെ കന്നി സംവിധാന സംരഭമായ ലൂസിഫറിനെ ഡിലീറ്റിംഗ് സീനായിരുന്നു ആരാധകര്‍ക്കായ് പൃഥ്വി കരുതി വെച്ചിരുന്നത്. മോഹന്‍ലാലിന്റെ സ്റ്റീഫന്‍ നെടുമ്പള്ളി എന്ന കഥാപാത്രം കൂളിംഗ് ഗ്ലാസും വെച്ച് ബുള്ളറ്റില്‍ വരുന്ന സീനാണ് പൃഥ്വി പങ്കു വെച്ചത്.
മികച്ച സ്വീകാര്യതയാണ് വീഡിയോയ്ക്ക് ലഭിച്ചു കൊണ്ടിരിക്കുന്നത്. പുറത്തിറങ്ങി മണിക്കൂറുകള്‍ മാത്രം പിന്നിടുമ്പോള്‍ വീഡിയോയ്ക്ക് രണ്ടര ലക്ഷത്തിനടുത്ത് കാഴ്ച്ചക്കാരായി. യൂട്യൂബ് ട്രെന്‍ഡിംഗിലും മൂന്നാമതുണ്ട് ഈ വീഡിയോ. സമ്മിശ്ര അഭിപ്രായമാണ് വീഡിയോയ്ക്ക് ലഭിക്കുന്നത്. ഒരു കൂട്ടര്‍ ഈ സീന്‍ ഒഴിവാക്കിയത് നന്നായെന്ന് പറയുമ്പോള്‍, ഈ സീനും കൂടി ഉണ്ടെങ്കില്‍ ചിത്രം കൂടുതല്‍ മാസ് ആയേനെ എന്നാണ് മറുഭാഗം പറയുന്നത്. സ്റ്റീഫന്‍ നെടുമ്പള്ളിയുടെ ക്യാരക്ടറുമായി ഈ രംഗം ചേരുന്നില്ലെന്നാണ് പൊതുവേയുള്ള പ്രതികരണം.
Read more
ചിത്രം ബോക്‌സ് ഓഫീസില്‍ 200 കോടിയും കടന്ന് കുതിക്കുകയാണ്. മലയാള സിനിമാ ലോകത്ത് 200 കോടി കടക്കുന്ന ആദ്യ ചിത്രമായും ഇതുമാറി. ഇന്നലെ തന്റെ 59-ാം പിറന്നാളാണ് മോഹന്‍ലാല്‍ ആഘോഷിച്ചത്. ആരാധകരും സിനിമാ-രാഷ്ട്രീയ-കായിക മേഖലകളില്‍ നിന്ന് നിരവധി പേര്‍ മോഹന്‍ലാലിന് പിറന്നാളാശംസകള്‍ നേര്‍ന്നു.
