മലയാളത്തിൽ ഏറ്റവും കൂടുതൽ പ്രതീക്ഷയോടെ കാത്തിരുന്ന ഒരു പ്രൊജക്ടായിരുന്നു മോഹൻലാൽ- ജോഷി- ചെമ്പൻ വിനോദ് കൂട്ടുകെട്ടിൽ ഒരുങ്ങുന്ന ‘റമ്പാൻ’ എന്ന ചിത്രം. അങ്കമാലി ഡയറീസ്, ഭീമന്റെ വഴി എന്നീ ചിത്രങ്ങൾക്കു ശേഷം ചെമ്പൻ വിനോദ് തിരക്കഥയെഴുതുന്ന ചിത്രമായതുകൊണ്ട് തന്നെ ടൈറ്റിൽ പോസ്റ്റർ വന്നത് മുതൽ സിനിമാ പ്രേമികൾക്കിടയിൽ റമ്പാൻ ചർച്ചയായിരുന്നു. എന്നാൽ മോഹൻലാൽ ചിത്രത്തിൽ നിന്നും പിന്മാറിയെന്നായിരുന്നു അടുത്തിടെ പുറത്തുവന്ന റിപ്പോർട്ടുകൾ. കൂടാതെ മോഹൻലാൽ പിന്മാറിയതുകൊണ്ട് ചിത്രം ഉപേക്ഷിച്ചുവെന്ന തരത്തിലും റിപ്പോർട്ടുകളുണ്ടായിരുന്നു.
ഇപ്പോഴിതാ ചിത്രത്തിലേക്ക് നായകനായി സജിൻ ഗോപു എത്തുന്നുവെന്ന വാർത്തകളാണ് പുറത്തുവരുന്നത്. ആവേശത്തിന്റെ വമ്പൻ വിജയത്തിന് ശേഷം ജിതു മാധവന്റെ തിരക്കഥയിൽ സജിൻ ഗോപു നായകനാവുന്ന മറ്റൊരു സിനിമയുടെ ചിത്രീകരണം പുരോഗമിച്ചുകൊണ്ടിരിക്കുകയാണ്.
News Reports:
The Mohanlal-Joshiy-Chemban Vinod project #Rambaan, which was said to be shelved, is all set to be resurrected with Sajin Gopu in the lead. pic.twitter.com/80ibvYY7v5
— Friday Matinee (@VRFridayMatinee) June 20, 2024
മാസ് ആക്ഷൻ- എന്റർടൈനർ ഴോണറിലാണ് ചിത്രമൊരുങ്ങുന്നത്. ആന്റണി എന്ന ചിത്രത്തിന് ശേഷം ജോഷി സംവിധാനം ചെയ്യുന്ന ചിത്രം കൂടിയാണ് റമ്പാൻ. നാടൻ ഇടി പ്ലസ് ഫോറിൻ ഇടി എന്നായിരുന്നു ചിത്രത്തെ പറ്റി ചെമ്പൻ വിനോദ് ഒരു അഭിമുഖത്തിൽ പറഞ്ഞത്.
ചെമ്പോസ്‍കി മോഷൻ പിക്ചേഴ്സ്, ഐൻസ്റ്റീൻ മീഡിയ, നെക്ക് സ്റ്റൽ സ്റ്റുഡിയോസ് എന്നീ ബാനറുകളിൽ ചെമ്പൻ വിനോദ് ജോസ്, ഐൻസ്റ്റീൻ സാക് പോൾ, ശൈലേഷ് ആർ സിങ് എന്നിവരാണ് ഈ ചിത്രം നിർമ്മിക്കുന്നത്.
