സ്ത്രീവിരുദ്ധപരാമര്‍ശം നടത്തിയ നടന്‍ മന്‍സൂര്‍ അലി ഖാനെതിരെ നടപടി എടുക്കുമെന്ന് ദേശീയ വനിതാ കമ്മിഷന്‍ അംഗം ഖുശ്ബു സുന്ദര്‍. നടനെതിരെ ഖുശ്ബു എക്‌സില്‍ പോസ്റ്റ് പങ്കുവച്ചു. സ്ത്രീകളുടെ ഉന്നമനത്തിനായി പോരാടുമ്പോള്‍ ഇത്തരം പുരുഷന്‍മാര്‍ സമൂഹത്തിന് ഒരു പ്രശ്‌നമാണ് എന്നാണ് ഖുശ്ബു കുറിച്ചിരിക്കുന്നത്.
”ദേശീയ വനിതാ കമ്മിഷന്‍ അംഗം എന്ന നിലയില്‍ മന്‍സൂര്‍ അലിഖാന്റെ പരാമര്‍ശം ഞാന്‍ ഇതിനകം തന്നെ വനിതാ കമ്മീഷനിലെ മറ്റ് അംഗങ്ങളുമായി സംസാരിച്ചിട്ടുണ്ട്. ഈ സംഭവത്തില്‍ നടപടി എടുക്കും. ഇത്രയും വൃത്തികെട്ട മനസുള്ളവരെ വെറുതെ വിടാന്‍ കഴിയില്ല.”
”ലൈംഗികത നിറഞ്ഞ, വെറുപ്പുളവാക്കുന്ന രീതിയില്‍ ഇയാള്‍ പരാമര്‍ശം നടത്തിയ തൃഷയ്ക്കും എന്റെ മറ്റ് സഹപ്രവര്‍ത്തകര്‍ക്കും ഞാന്‍ പിന്തുണ നല്‍കുന്നു. സ്ത്രീകളെ സംരക്ഷിക്കാനും അവര്‍ക്ക് മാന്യത നല്‍കാനും ഞങ്ങള്‍ പോരാടുമ്പോള്‍, അത്തരം പുരുഷന്‍മാര്‍ നമ്മുടെ സമൂഹത്തിന് പ്രശ്‌നമാണ്” എന്നാണ് ഖുശ്ബുവിന്റെ ട്വീറ്റ്.
As a member of NCW, I have already taken up the issue of Mansoor Ali khan with my senior and will be taking an action on it. Nobody can get away with such a filthy mind. I stand with @trishtrashers and my other colleagues where this man speaks in such a sexist disgusting mindset…
— KhushbuSundar (@khushsundar) November 19, 2023
വിജയ്യും തൃഷയും അഭിനയിച്ച ‘ലിയോ’ എന്ന സിനിമയെ കുറിച്ചുള്ള അഭിമുഖത്തില്‍ ആയിരുന്നു മന്‍സൂര്‍ അലി ഖാന്റെ വിവാദ പരാമര്‍ശം. തൃഷ, ഖുശ്ബു, റോജ എന്നിവരുടെ പേരെടുത്ത് പറയുകയും ചെയ്തു. തൃഷ തന്നെയാണ് നടനെതിരെ ശക്തമായി രംഗത്തുവന്നത്.
Read more
ഇനിയൊരിക്കലും അയാളുടെ കൂടെ അഭിനയിക്കില്ലെന്നും തൃഷ വ്യക്തമാക്കി. അതേസമയം, താന്‍ പറഞ്ഞത് തമാശരൂപത്തില്‍ ആയിരുന്നെന്നും ആരോ എഡിറ്റ് ചെയ്ത വീഡിയോ കണ്ട് തൃഷ തെറ്റിദ്ധരിച്ചതാണെന്നും മന്‍സൂര്‍ അലിഖാന്‍ പറയുന്നത്. എന്നാല്‍ തന്റെ പരാമര്‍ശത്തില്‍ മാപ്പ് പറയാനോ തെറ്റ് തിരുത്താനോ മന്‍സൂര്‍ അലിഖാന്‍ തയ്യാറായില്ല.
