‘ഹരികൃഷ്ണന്‍സി’ന് രണ്ടാം ഭാഗം ഒരുങ്ങുന്നുവെന്ന് റിപ്പോര്‍ട്ടുകള്‍. മോഹന്‍ലാല്‍-മമ്മൂട്ടി കോംബോയില്‍ ഒരുങ്ങുന്ന സിനിമയില്‍ ഫഹദ് ഫാസിലും ഒരു പ്രധാന കഥാപാത്രത്തെ അവതരിപ്പിക്കുമെന്നും റിപ്പോര്‍ട്ടുകളുണ്ട്.
ഫാസില്‍ സിനിമയുടെ തിരക്കഥ തുടങ്ങിയതായും ഹരിയും കൃഷ്ണനും നേരിടുന്ന മറ്റൊരു കേസായിരിക്കും സിനിമയുടെ പ്രമേയം എന്നും അഭ്യൂഹങ്ങളുണ്ട്.
സിനിമയിലെ മറ്റു കഥാപാത്രങ്ങളെക്കുറിച്ചുള്ള റിപ്പോര്‍ട്ടുകള്‍ ഒന്നും വന്നിട്ടില്ല. ചിത്രത്തിന്റെ ഔദ്യോഗിക പ്രഖ്യാപനം ഉടന്‍ ഉണ്ടാകുമെന്നാണ് സൂചന.1998ല്‍ ഫാസിലിന്റെ സംവിധാനത്തില്‍ പുറത്തിറങ്ങിയ ചിത്രമായിരുന്നു ‘ഹരികൃഷ്ണന്‍സ്’.
Read more
മോഹന്‍ലാലും മമ്മൂട്ടിയും പ്രധാന കഥാപാത്രങ്ങളായ സിനിമയില്‍ ബോളിവുഡ് താരം ജൂഹി ചൗള ആണ് നായികയായത്. കുഞ്ചാക്കോ ബോബന്‍, ബേബി ശാമിലി, നെടുമുടി വേണു, കൊച്ചിന്‍ ഹനീഫ തുടങ്ങിയവരും സിനിമയില്‍ ശ്രദ്ധേയ വേഷങ്ങളിലെത്തി.
